Разград

Ра́зград (па-баўгарску: Разград) — горад на паўночным усходзе Баўгарыі, які месьціцца ў даліне ракі Русэнскі Лом. Уваходзіць у гісторыка-геаграфічны рэгіён Лудагор’е. Горад зьяўляецца адміністрацыйным цэнтрам Разградзкай вобласьці.

Разград
Герб Разграду Сьцяг Разграду
Краіна:	Баўгарыя
Плошча:	92,845 км²[1]
Вышыня:	270 м н. у. м.
Насельніцтва:	▼27 888 чал. (31 сьнежня 2024)[2]
Тэлефонны код:	084
Паштовы індэкс:	7200
Геаграфічныя каардынаты:	43°32′27.222″ пн. ш. 26°31′43.745″ у. д.
Разград на мапе Баўгарыі Разград
Галерэя здымкаў у Вікісховішчы
http://www.razgrad.bg

Гісторыя

Сучасны горад быў пабудаваны на парэштках старажытнарымскага гораду Абрыт на беразе ракі Русэнскі Лом. У сваю чаргу Абрыт быў пабудаваны на тракійскім паселішчы IV—V стагодзьдзя да н. э. невядомай назвы. У рэгіёне былі знойдзеныя некалькі бронзавых манэтаў тракійскага караля Сэўта III і керамікі, а таксама артэфакты іншых кіраўнікоў і ахвярны алтар Гэраклу.

Славутасьці Разграду ўключаюць архітэктурны комплекс Варошы XIX стагодзьдзя, этнаграфічны музэй і некалькі іншых музэяў, характэрную вежу з гадзіньнікам у цэнтры, пабудаваную ў 1864 годзе, царкву Сьвятога Мікалая 1860 года, скульптуру «Моміна», маўзалей вызваліцеляў і мячэт Ібрагіма-пашы, які стаіць у месцы з 1530 году.

У асманскі пэрыяд горад называўся Хэзарградам. У працяг расейка-турэцкіх войнаў пры Кацярыне II, Аляксандры I і Мікалаі I Хэзарград быў неаднаразова захоплены расейскім войскам. У вайну 1877—1878 гадоў уяўляў сабой цэнтральны апэрацыйны пункт турэцкага войска, якое дзейнічала зь лініі Русэ—Шумэн. Блізу горада быў уладкаваны ўмацаваны лягер, адкуль турэцкі галоўнакамандуючы Мэхмэд Алі-паша прадпрымаў наступу супраць войскаў расейскага атраду, разьмешчанага на рацэ Чэрні-Лом.