Слуцкі краязнаўчы музэй

Слу́цкі краязна́ўчы музэ́й — дзяржаўны музэй у Слуцку. Маючы ў фондзе больш за 27 тысяч экспанатаў, колькасьць якіх штогод узрастае, музэй ладзіць каля 40 стацыянарных і перасоўных выставаў і больш за 700 экскурсіяў.^[3]

Слуцкі краязнаўчы музэй
Франтальны фасад будынка музэю зь дзьвюма калёнамі
Філіі	Музэй этнаграфіі Мастацкая галерэя
Месцазнаходжаньне	Слуцак, Беларусь
Адрас	вул. Леніна, 171[1]
Тэматыка калекцыі	Гісторыя Слуцкага раёну
Велічыня калекцыі	27 800 музэйных прадметаў[2]
Створаны	1952 г.
Дырэктар	Натальля Серык
Геаграфічныя каардынаты	53°1′25.75″ пн. ш. 27°32′48.64″ у. д.
Слуцкі краязнаўчы музэй на мапе Беларусі Слуцкі краязнаўчы музэй
slutsk.museum.by

Слуцкі краязнаўчы музэй разьмешчаны ў будынку былога дваранскага сходу, які знаходзіцца амаль у цэнтры гораду. Музэй мае дзьве філіі: музэй этнаграфіі і галерэя мастацтва. Асноўнай тэматыкай музэю этнаграфіі зьяўляюцца быт і заняткі сялянаў Слуцкага павету ў XIX — пачатку XX стагодзьдзя.

Гісторыя

Будынак краязнаўчага музэю быў пабудаваны ў канцы XVIII — пачатку XIX стагодзьдзяў (імаверна, у 1789^[4] ці 1798 годзе^[5] ў стылі клясыцызму і меў прызначэньне панскай сядзібы.^[4] Да пачатку XX стагодзьдзя будынак выкарыстоўваўся ў якасьці дому дваранскага сходу, а потым стаў гарадзкім клюбам. У часы паміж лютаўскай рэвалюцыяй і кастрычніцкім пераваротам бальшавікі Слуцку ладзілі ў ім мітынгі і празвалі будынак «камуністычным клюбам імя Крэйнэса» ў гонар І. Крэйнэса, аднаго з сябраў Слуцкай арганізацыі бальшавікоў.^[6]

Ад 1952 году будынак клюбу перададзены ў валоданьне Слуцкага краязнаўчага музэю, дзе музэй працуе па сёньняшні дзень.^[7]