Старашклоўскі сельсавет

Старашкло́ўскі сельсавет (да 2013 году — Ры́жкавіцкі сельсавет) — адміністрацыйна-тэрытарыяльная адзінка ў складзе Шклоўскага раёну Магілёўскай вобласьці. Адміністрацыйны цэнтар — горад Шклоў^[1]. Да ўваходжаньня ў склад Шклова цэнтрам сельсавету была вёска Рыжкавічы^[2]. Насельніцтва на 2010 год — 1282 чалавек^[3].

Гісторыя

14 сьнежня 2007 году вёскі Маладзёжная і Рыжкавічы ўвайшлі ў склад гораду Шклова^[4].

1 сакавіка 2012 году ў складзе сельсавету ўтвораны хутар Станцыя Рыжкавічы^[5].

20 лістапада 2013 году ў склад сельсавету перададзеныя ўсе населеныя пункты — Бабчына, Вабічы, Карбатоўка, Клімавічы, Красная Горка, Палыкавічы, Рагозна, Рамшына, Ступляны, Тударава, Чарнаручча — ліквідаванага Чарнаруцкага сельсавету, а сельсавет перайменаваны з Рыжкавіцкага ў Старашклоўскі^[6].