Рыжкавічы

Ры́жкавічы^[1] — былая вёска ў Шклоўскім раёне Магілёўскай вобласьці, колішняя цэнтральная сядзіба калгасу імя Леніна, цяпер у складзе Шклова. Рыжкавічы зьяўляліся цэнтрам Рыжкавіцкага сельсавету.

Рыжкавічы
трансьліт. Ryžkavičy
Краіна:	Беларусь
Вобласьць:	Магілёўская
Раён:	Шклоўскі
Сельсавет:	Старашклоўскі
Насельніцтва
колькасьць:	566 чал. (2008)
колькасьць двароў:	239
Часавы пас:	UTC+3
Тэлефонны код:	+375 2239
Паштовы індэкс:	213002
СААТА:	7258828121
Нумарны знак:	6
Геаграфічныя каардынаты:	54°11′6″ пн. ш. 30°18′40″ у. д.
Рыжкавічы на мапе Беларусі ± Рыжкавічы Рыжкавічы

Гісторыя

Вёска Рыжкавічы вядомая ад XVI стагодзьдзя. Некалі тут беларускія магнаты Хаткевічы пабудавалі кляштар дамініканаў. Была тут і ўніяцкая царква Пятра й Паўла, якую зьнішчылі ў сярэдзіне XX стагодзьдзя. За часамі Другой сусьветнай вайны ў Рыжкавічах было габрэйскае гета, якое фашысты зьнішчылі пры канцы 1941 году. Памятнага знаку пра зьнішчаных габрэяў у вёсцы й Шклове няма.

14 сьнежня 2007 году, разам зь вёскамі Маладзёжная і Малое Зарэчча, Рыжкавічы ўвайшлі ў склад гораду Шклова^[2].

Насельніцтва

• 2008 год — 239 двароў, 566 чалавек
• 1999 год — 587 чалавек

Прамысловасьць

Калгасу імя Леніна, партаргам якога ў 1980-я гады быў Аляксандар Лукашэнка, ужо даўно няма. У сярэдзіне дзевяностых ён заняпаў, а потым яго ліквідавалі. Рыжкавічы вядомыя тым, што тут жыў і працаваў намесьнікам старшыні калгасу імя Леніна й партаргам Аляксандар Лукашэнка. Дагэтуль тут жыве ягоная жонка Галіна.