Тузін

Тузін (ад па-француску: douzaine праз па-польску: tuzin^[1]) — мера паштучнага ліку аднародных прадметаў, раўняецца 12. Шырока ўжывалася да ўвядзеньня мэтрычнай сыстэмы й ужываецца да гэтага часу пры камплектацыі, напрыклад, сэрвізаў, камплектаў відэльцаў, вялікіх гарнітураў мэблі, якія выпускаюцца амаль заўсёды на 12 або 6 (паўтузіна) пэрсонаў. 12 тузінаў складаюць грос. Піва пакуецца па 6 (паўтузіна), 12 або 24 (2 тузіны) бутэлек (слоікаў). У ЗША прынята купляць яйкі тузінамі. У беларускай мове ёсьць выраз чортаў тузін — ён роўны 13.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 16: Трыпалі — Хвіліна. — 576 с. — ISBN 985-11-0263-6