Тэо Ўолкат

Тэо Джэймз Ўолкат (па-ангельску: Theo James Walcott; нар. 16 сакавіка 1989 году, Лёндан, Ангельшчына) — колішні ангельскі футбаліст, які выступаў за нацыянальную зборную Ангельшчыны на пазыцыі атакуючага паўабаронцы, ўінгера ці нападніка. Ягоная пазыцыя на полі — правы флянг, бо ён зьяўляецца вельмі хуткім і тэхнічным гульцом, здольным адарвацца на хуткасьці ад супернікаў і зрабіць якасны прастрэл ці навес у штрафную плошчу. Тэо зьяўляецца адным з самых хуткіх футбалістаў у сьвеце^[4].

Тэо Ўолкат
Пэрсанальная інфармацыя
Нарадзіўся	16 сакавіка 1989(1989-03-16)[1][2][3] (36 гадоў) Станмар[d], Гароў[d], Вялікі Лёндан, Ангельшчына, Вялікабрытанія
Рост	176 см
Вага	70 кг
Пазыцыя	флянгавы паўабаронца
Клюбы
Гады	Клюб	Гульні (галы)¹
2005—2006	Саўтгэмптан	21 (4)
2006—2018	Арсэнал Лёндан	270 (65)
2018—2021	Эвэртан	77 (10)
2020—2021	→ Саўтгэмптан	21 (3)
2021—2023	Саўтгэмптан	29 (2)
Зборныя
2004—2005	Ангельшчына (да 16)[d]	4 (0)
2005—2006	Ангельшчына (да 17)[d]	14 (5)
2006	Ангельшчына (да 19)[d]	1 (1)
2006—2010	Ангельшчына (да 21)[d]	21 (6)
2006—2016	Ангельшчына	47 (8)

Біяграфія

«Саўтгэмптан»

Ўолкат прыйшоў у стан «сьвятых» у сэзоне 2004—2005 гадоў ва веку 15 гадоў і дасягнуў са сваім клюбам фіналу Моладзевага Кубка Ангельшчыны. У дадатак ён стаў самым маладым гульцом «Саўтгэмптану» ў рэзэрвовай камандзе, у якой ён дэбютаваў ува ўзросьце 15 гадоў і 175 дзён^[5].

«Арсэнал»

Ўолкат падпісаў з «Арсэналам» кантракт 16 сакавіка 2006 году ў дзень свайго 17-годзьдзя^[6]. У Прэм’ер-Лізе Тэо дэбютаваў 19 жніўня 2006 году ў першы дзень новага ангельскага сэзону 2006—2007 гадоў^[7].

Нацыянальная зборная

Тэо Ўолкат гуляе ў зборнай Ангельшчыны з 17 гадоў, дзе згуляў 14 матчаў і забіў 3 галы, прычым гэтыя 3 галы ён забіў у браму зборнай Харватыі, дзякуючы ім Ангельшчына перамагла на выезьдзе зь лікам 4:1.

Дасягненьні

«Арсэнал»:

• Уладальнік Кубка Ангельшчыны: 2014, 2015
• Уладальнік Супэркубка Ангельшчыны: 2015, 2017