Фабрыс Гэрцаг

Фабры́с Гэ́рцаг (па-нямецку: Fabrice Herzog; нар. 9 сьнежня 1994 году) — швайцарскі хакеіст, нападнік клюбу «Цуг». У 2013 годзе на драфце НХЛ быў абраны пад агульным 142 нумарам клюбам «Таронта Мэйпл Ліфс».

Фабрыс Гэрцаг
Рост	190 см[1]
Вага	87 кг
Пазыцыя	нападнік
Грамадзянства	Швайцарыя[1]
Дата нараджэньня	9 сьнежня 1994(1994-12-09)[1] (30 гадоў)
Месца нараджэньня	Фраўэнфэльд, Швайцарыя
Клюб	Цуг
Выступаў за	Таронта Марліс Лаянз Цюрых Давос
Гульнявая кар’ера	2012 — цяпер

Кар’ера

Пачаў кар’еру ў клюбе «Цуг». У 2013 годзе пераехаў у Канаду, дзе далучыўся да клюбу Квэбэцкай галоўнай юніёрскай хакейнай лігі. Удалы выступ прывёў да пераходу ў клюб АХЛ «Таронта Марліс»^[2], але замацавацца ў складзе канадзкага клюбу ня выпала. Улетку 2014 году ня маючы прапановы ад «Таронта Мэйпл Ліфс», хакеіст пастанавіў вярнуцца на радзіму. Па сэзоне з «Цугам» Гэрцаг далучыўся да «Лаянз Цюрыху». У лістападзе 2018 году склаў дамову з «Давосам», за які правёў два сэзоны. З 2021 году зноў абараняе колеры «Цуга».