Фабію Куэнтран

Фабію Алешандры да Сылва Куэнтран (па-партугальску: Fábio Alexandre da Silva Coentrão; нар. 11 сакавіка 1988 году, Віла-ду-Кондзі, Партугалія) — былы партугальскі футбаліст, левы ўінгер нацыянальнай зборнай Партугаліі.

Фабію Куэнтран
Пэрсанальная інфармацыя
Нарадзіўся	11 сакавіка 1988(1988-03-11)[1][2] (37 гадоў) Віла-ду-Кондзі[d], Порту[d], Партугалія
Рост	178 см
Вага	72 кг
Пазыцыя	скрайні абаронца
Клюбы
Гады	Клюб	Гульні (галы)¹
2005—2007	Рыю Аві	29 (5)
2007—2011	Бэнфіка	52 (2)
2008	→ Насьёнал	16 (4)
2008	→ Рэал Сарагоса	1 (0)
2009	→ Рыю Аві	16 (3)
2011—2018	Рэал Мадрыд	58 (1)
2015—2016	→ Манака	15 (3)
2017—2018	→ Спортынг Лісабон	25 (1)
2018—2019	Рыю Аві	21 (0)
2020—2021	Рыю Аві	13 (2)
Зборныя
2006—2007	Партугалія (да 19)[d]	10 (5)
2007	Партугалія (да 20)[d]	7 (4)
2009—2017	Партугалія	52 (5)
2009	Партугалія (да 21)[d]	7 (5)

Кар’ера

«Рыю Аві»

Першым прафэсійным клюбам Фабію стаў «Рыю Аві» з роднага гораду Віла-ду-Кондзі, зь якім Куэнтран заключыў кантракт перад сэзонам 2004—2005 гадоў. Дэбютаваў у найвышэйшай лізе Партугаліі 14 кастрычніка 2005 году ў сямнаццацігадовым узросьце, усяго ў першым сэзоне правёў 3 гульні. Паводле вынікаў чэмпіянату «Рыю Аві» заняў апошняе 16-е месца й вылецеў у другую лігу. У наступным сэзоне 2005—2006 году Куэнтран стаў гульцом асноўнага складу, правёў 25 гульняў і забіў 4 голы. У лютым 2007 году правёў тыднёвую стажыроўку ў «Чэлсі», паводле вынікаў якой Жузэ Маўрыньню аптымістычна ацаніў дадзеныя футбаліста й паабяцаў у далейшым сачыць за прагрэсам Куэнтрана^[3].

«Бэнфіка»

У тым жа міжсэзоньні 2007 году заключыў шасьцігадовы кантракт з «Бэнфікай». Куэнтран дэбютаваў у лісабонскай камандзе ў матчы 3-га кваліфікацыйнага раўнду Лігі чэмпіёнаў супраць «Капэнгагену», правёўшы на полі другі тайм. Усяго ў 2007 годзе ў чэмпіянаце Партугаліі правёў 3 гульні й у студзені 2008 году быў аддадзены ў арэнду ў клюб найвышэйшай лігі «Насьёнал».

У ліпені 2008 году быў анансаваны пераход на правах арэнды ў нідэрляндзкі «Фэеноорд»^[4]. Нягледзячы на тое, што бакі прыйшлі да папярэдняй згоды, угода не была зьдзейсьненая й Куэантраў на правах арэнды перайшоў у клюб другой гішпанскай лігі «Рэал Сарагоса»^[5]. У «Сарагосе» прыняў удзел у адной гульні, выйшаўшы на замену на 82 хвіліне ў матчы супраць «Дэпартыва Алявэс» пры ліку 4:2. У выніку ў студзені 2009 году вярнуўся ў Партугалію й на правах арэнды правёў палову сэзону ў родным «Рыю Аві».

«Рэал Мадрыд»

5 ліпеня 2011 году быў набыты мадрыдзкім «Рэалам» за 30 мільёнаў эўра^[6].

Міжнародная кар’ера

Улетку 2007 году ў складзе зборнай Партугаліі да 20 гадоў згуляў у моладзевым чэмпіянаце сьвету, прыняўшы ўдзел у 3 гульнях.

Пасьля таго, як Фабію дасягнуў пахвалы ў «Бэнфіцы», яго сталі выклікаць у асноўную зборную Партугаліі. Разам зь ёй ён прыняў удзел у фінальным турніры чэмпіянату сьвету ў ПАР, дзе правёў усе 4 матчы зборнай Партугаліі.

Дасягненьні

«Бэнфіка»:

• Чэмпіён Партугаліі: 2010
• Уладальнік Кубка партугальскай лігі: 2010, 2011

«Рэал»:

• Чэмпіён Гішпаніі: 2012, 2017
• Уладальнік Кубка Гішпаніі: 2014
• Уладальнік Супэркубка Гішпаніі: 2012
• Пераможца Лігі чэмпіёнаў: 2014, 2017
• Уладальнік Супэркубка Эўропы: 2014
• Пераможца клюбнага чэмпіянату сьвету: 2014, 2016

«Спортынг»:

• Уладальнік Кубка партугальскай лігі: 2018