Эстонская акадэмія навук

Эсто́нская акадэ́мія наву́к (па-эстонску: Eesti Teaduste Akadeemia) заснаваная ў 1938 року. На кастрычнік 2012 Акадэмія налічвала 71 поўнага і 15 замежных сябраў^[1]. Зь лістапада 2004 прэзыдэнтам Акадэміі зьяўляецца Рыхард Вілемс, біёляг з Унівэрсытэту Тарту.

Палац Унгерн-Штэрнбэрга на вуліцы Кохту, 6, у якім разьмешчаная Эстонская акадэмія навук

Мінуўшчына

Створаная як навуковае таварыства ў 1938 року. Пасьля далучэньня Эстоніі да СССР Акадэмія была распушчаная 17 ліпеня 1940 року.

У чэрвені 1945 створаная Акадэмія навук Эстонскай ССР (па-эстонску: Eesti Nõukogude Sotsialistliku Vabariigi Teaduste Akadeemia). Яна складалася з цэнтральнае бібліятэкі і чатырох падразьдзяленьняў, улучаючы ў сябе 15 навуковых інстытутаў, у тым ліку іншыя навуковыя супольнасьці і музэі. У красавіку 1989, за два з паловай гады да атрыманьня Эстоніяй незалежнасьці, Акадэмія вярнула былую назву Эстонскай акадэміі навук.

Прэзыдэнты

• 1946—1950 — Ханс Круўс
• 1950—1968 — Ёган Эйхфэльд
• 1968—1973 — Арнольд Вэймер
• 1973—1990 — Карл Рэбанэ
• 1990—1994 — Арна Кёёрна
• 1994—2004 — Юры Энгельбрэхт
• з 2004 году — Рыхард Вільлемс