Мазыр
горад у Беларусі / From Wikipedia, the free encyclopedia
Мазы́р — места ў Беларусі, на рацэ Прыпяці. Адміністрацыйны цэнтар Мазырскага раёну Гомельскай вобласьці. Плошча 36,74 км². Насельніцтва на 2018 год — 111 733 чалавекі[1]. Знаходзіцца за 133 км на паўднёвы захад ад Гомля. Аўтамабільныя дарогі злучаюць места з Гомелем, Бабруйскам і Оўручам (Украіна), у раёне Мазыра праходзіць нафтаправод «Дружба». Найбольшы ў Беларусі порт «Пхоў», чыгуначная станцыя на лініі Каленкавічы — Оўруч, аэрапорт.
Мазыр лац. Mazyr | |||||
| |||||
Першыя згадкі: | 1155 | ||||
Магдэбурскае права: | 28 студзеня 1577 | ||||
Краіна: | Беларусь | ||||
Вобласьць: | Гомельская | ||||
Раён: | Мазырскі | ||||
Плошча: | 36,74 км² | ||||
Вышыня: | 170 м н. у. м. | ||||
Насельніцтва (2018) | |||||
колькасьць: | 111 733 чал.[1] | ||||
шчыльнасьць: | 3041,18 чал./км² | ||||
Часавы пас: | UTC+3 | ||||
Тэлефонны код: | +375 2351 | ||||
Паштовыя індэксы: | 247760, 247770—247777, 247779, 247780, 247782—247787 | ||||
СААТА: | 3235501000 | ||||
Нумарны знак: | 3 | ||||
Геаграфічныя каардынаты: | 52°3′0″ пн. ш. 29°14′0″ у. д. | ||||
Мазыр | |||||
Галерэя здымкаў у Вікісховішчы |
Мазыр — магдэбурскае места, адзін з гістарычных цэнтраў Палесься, старажытны замак Вялікага Княства Літоўскага. Да нашага часу тут захаваўся комплекс кляштару бэрнардынаў з касьцёлам Сьвятога Міхала Арханёла ў стылі барока, помнік архітэктуры XVIII ст., які пацярпеў ад маскоўскай перабудовы. У прадмесьці Кімбараўцы захаваліся комплексы жаночага з касьцёлам Сьвятога Міхала Арханёла й мужчынскага з касьцёлам Унебаўзяцьця Найсьвяцейшай Панны Марыі цыстэрыянскіх кляштараў (барока, XVIII ст.). Сярод мясцовых славутасьцяў таксама вылучаліся царква Сьвятой Параскевы Пятніцы й Фарны касьцёл.