Дамінік Дука

Дамінік Дука (чэшск.: Dominik Duka; 26 красавіка 1943, Градзец-Кралавэ, Пратэктарат Багеміі і Маравіі) — чэшскі кардынал. Біскуп Градзец-Кралавэ з 6 чэрвеня 1998 па 13 лютага 2010. Архібіскуп пражскі з 13 лютага 2010. Кардынал-святар з тытулам царквы Ss. Marcellino e Pietro з 18 лютага 2012.

Дамінік Дука
чэшск.: Dominik Duka
кардынал з 18 лютага 2012
дыяцэзіяльны біскуп[d] 6 чэрвеня 1998 — 13 лютага 2010
Дыяцэзія	Roman Catholic Diocese of Hradec Králové[d]
Папярэднік	Karel Otčenášek[d]
Пераемнік	Jan Vokál[d]
архібіскуп Пражскі[d] 13 лютага 2010 — 13 мая 2022
Дыяцэзія	Архідыяцэзія Прагі
Папярэднік	Міласлаў Влк
Пераемнік	Jan Graubner[d]
апостальскі адміністратар 6 лістапада 2004 — 4 кастрычніка 2008
Дыяцэзія	Літамержыцкая дыяцэзія[d]
Дзейнасць	багаслоў, педагог, пісьменнік, ксёндз, каталіцкі біскуп, архіепіскап, настаўнік
Месца працы	Універсітэт Палацкага
Нараджэнне	26 красавіка 1943(1943-04-26)[1][2][…] (81 год) Градзец-Кралавэ, раён Градзец-Кралавэ[d], Чэхія[1][3][…]
Аўтограф
Узнагароды	Honorary doctor of the University of Fribourg[d] (15 лістапада 2010)
Медыяфайлы на Вікісховішчы

Біяграфія

Дамінік Дука нарадзіўся 26 красавіка 1943 года ў горадзе Градзец-Кралавэ ва Усходняй Багеміі. 6 студзеня 1969 года ён прынёс першыя зарокі ў ордэне Прапаведнікаў і 22 чэрвеня 1970 года быў пасвечаны ў святары.

На працягу пяці гадоў ён працаваў у розных прыходах пражскай архідыяцэзіі, а 7 студзеня 1972 года прынёс вечныя зарокі ў ордэне Прапаведнікаў. Вучыўся на багаслоўскім факультэце ў Літамержыцах, а ў 1979 годзе абараніў ліцэнцыят па багаслоўю ў Варшаве.

У 1975 годзе дзяржаўныя ўлады забаранілі яму працаваць святаром, і на працягу амаль пятнаццаці гадоў, да 1989 года, Дамінік Дука працаваў чарцёжнікам на заводзе «Шкода». Адначасова з гэтым ён быў падпольным магістрам навіцыяў і выкладчыкам багаслоўя. З 1986 па 1998 гады быў правінцыялам дамініканцаў Багеміі і Маравіі. З 1990 па 1999 год працаваў дацэнтам на багаслоўскім факультэце ў Оламаўцы, выкладаў уводзіны ў Свяшчэннае Пісанне і біблейскую антрапалогію. 6 чэрвеня 1998 года быў прызначаны біскупам у Градзец-Кралавэ і 26 верасня таго ж года прыняў біскупскае пасвячэнне.

13 лютага 2010 года змяніў кардынала Міласлава Влка на пасадзе Архібіскупа пражскага.

Кардынал

6 студзеня 2012 года было абвешчана, што Папа Рымскі Бенедыкт XVI узвядзе Дамініка Дуку ў сан кардынала на кансісторыі 18 лютага 2012 года.^[4]

18 лютага 2012 года, у саборы Святога Пятра адбылася кансісторыя, на якой Дамінік Дука быў узведзены ў сан кардынала-святара з тытулам царквы Ss. Marcellino e Pietro. На новага Князя Царквы была ўскладзена кардынальская шапка і ўручаны кардынальскі пярсцёнак.

Зноскі

1. Czech National Authority Database Праверана 23 лістапада 2019.

   <a href='https://wikidata.org/wiki/Track:Q13550863'></a>
2. Dominik Duka // The Fine Art Archive — 2003.

   <a href='https://wikidata.org/wiki/Track:Q10855166'></a>
3. The Fine Art Archive — 2003. Праверана 1 красавіка 2021.

   <a href='https://wikidata.org/wiki/Track:Q10855166'></a>
4. Annuncio di consistorio per la creazione di nuovi cardinali, 06.01.2012 (італ.)