Каморскія Астравы

Саюз Каморскіх Астравоў (да снежня 2001 — Федэратыўная Ісламская Рэспубліка Каморскія Астравы) уключае тры вострава Каморскага архіпелагу: Гранд-Камор, Анжуан, Махелі. Востраў Майота, які раней уваходзіў у склад краіны, са снежня 1976 мае статус тэрытарыяльнай адзінкі Францыі. Сталіца — г. Мароні (каля 50 тыс. чал.). Тэрыторыя — 2235 кв. км (в. Гранд-Камор — 1147 кв. км, Анжуан — 424 кв. км, Махелі — 290 кв. км, Майота — 374 кв. км).

Саюз Каморскіх Астравоў
кам.  (фр.) Udzima wa Komori
фр.: Union des Comores
араб. الاتحاد القمري‎‎

Сцяг Каморскіх Астравоў Герб Каморскіх Астравоў
Дэвіз: «Unité — Justice — Progrès (фр.: «Адзінства, Справядлівасць, Развіццё»)»
Гімн: «Лунае сцяг, узвяшчаючы нашу поўную незалежнасць»
Дата незалежнасці	5 чэрвеня 1975 (ад Францыі)
Афіцыйныя мовы	Каморская  (фр.), французская, арабская
Сталіца	Мароні
Найбуйнейшы горад	Мароні
Форма кіравання	Прэзідэнцкая рэспубліка
Прэзідэнт Віцэ-прэзідэнт Віцэ-прэзідэнт Віцэ-прэзідэнт	Ікілілу Дуанін Фуад Махаджы Махмед Алі Саілі Нурдзін Бурхан
Дзярж. рэлігія	Іслам (суніцкага толку)
Плошча • Усяго • % воднай паверхні	167-я ў свеце 1 862 км² малаважна
Насельніцтва • Ацэнка (2009) • Шчыльнасць	752 000 чал. (158-я) 404 чал./км²
ВУП   • Разам (2004)   • На душу насельніцтва	$1,049 млрд.  (171-ы) $1,660
ІРЧП (2007)	▼ 0.576 (139-ы)
Валюта	Каморскі франк
Інтэрнэт-дамен	.km
Код ISO (Alpha-2)	KM
Код ISO (Alpha-3)	COM
Код МАК	COM
Тэлефонны код	+269
Часавыя паясы	+3

Насельніцтва — 690 тыс. чал. (в. Майота — 88 тыс. чал.). Большасць насельніцтва складаюць каморцы — нашчадкі арабаў, малагасійцаў і выхадцаў з усходняга ўзбярэжжа Афрыкі. Апроч каморцаў на архіпелагу пражываюць арабы, малагасійцы, а таксама выхадцы з Індыі і Пакістана. Практычна ўсё насельніцтва краіны — мусульмане суніцкага толку.

Афіцыйныя мовы: каморская, французская і арабская.

Нацыянальнае свята — Дзень абвяшчэння незалежнасці (6 ліпеня).

Грашовая адзінка — каморскі франк (1 дол. ЗША роўны 330 кам.фр.).

Дзейсная Канстытуцыя зацверджана ў снежні 2001 г.

Гісторыя

Каморскія астравы былі каланізаваныя Францыяй у 19 ст. У 1961 Каморам быў нададзены статус заморскай тэрыторыі Францыі, а ў 1968 архіпелаг атрымаў унутранае самакіраванне. Незалежнасць абвешчана 6 ліпеня 1975 году.

З моманту атрымання незалежнасці становішча ў краіне характарызуецца нестабільнасцю — за гэты час адбылося 18 дзяржаўных пераваротаў. Захоўваюцца міжастраўныя супярэчнасці — за далучэнне да Францыі выступаюць сепаратысты на Анжуане і Махелі.

У красавіку 1999 у выніку ваеннага перавароту ў Мароні да ўлады ў краіне прыйшоў начальнік генштаба УС палкоўнік А. Асумані. У красавіку 2002 ён быў абраны прэзідэнтам краіны.

Кіраўнік дзяржавы — прэзідэнт, абіраны на 4-х летні тэрмін ад аднаго з астравоў у Саюзу на ратацыйнай аснове. У маі 2006 г. прэзідэнтам краіны стаў А. Самбі (прадстаўнік в. Анжуан).

У сяр. 2006 у краіне пачаўся палітычны крызіс з-за супрацьстаяння цэнтральных улад і адміністрацыі Анжуана на чале з М. Бакарам, які абвясціў сябе ў чэрвені 2007 г. прэзідэнтам.

Заканадаўчы сход (парламент) краіны складаецца з 33 дэпутатаў. Апошнія выбары адбыліся ў маі 2004 г.

Узброеныя сілы налічваюць каля 1,6 тыс. чалавек, уключаючы жандармерыю і нацыянальную паліцыю. Уласна армейскія падраздзяленні — 510 чал.

Эканоміка

Каморы — адсталая аграрная краіна, адна з найменш развітых дзяржаў свету. У 2007 г. ВУП меў адмоўныя тэмпы росту (-1 %). Узровень інфляцыі склаў 3 %. Знешняя запазычанасць — 280 млн дол. ЗША, каля 64 % ВУП.

Асновай эканомікі з'яўляецца сельская гаспадарка. Яго прадукцыя складае 95 % экспарту краіны. Галоўныя экспартныя культуры — іланг-іланг, ваніль, гваздзіка, копра і базілік. Для ўнутранага спажывання вырошчваюць рыс, кукурузу, маніёку, ямс. Налічваецца каля 40 тыс. галоў буйнарагатага быдла, прыкладна 3 тыс. коз і авечак. Штогод вылоўліваецца каля 4,5 тыс. тон рыбы.

Прамысловасць развіта слаба (4 % ВНП, каля 1 тыс. занятых). Перапрацоўваецца мясцовая сыравіна, вырабляюцца эфірныя маслы, ваніль, копра, мыла, безалкагольныя напоі. Нарыхтоўваецца драўніна.

Транспарт. Даўжыня аўтадарог — 763 км, з іх 450 км асфальтаваны, аўтапарк налічвае каля 6 тыс. машын. Чыгунак няма. Найвялікшае значэнне мае марскі транспарт.

Знешнегандлёвы баланс мае хранічны дэфіцыт. Каморы імпартуюць нафтапрадукты, харчаванне, цэмент, машыны і абсталяванне. Асноўныя гандлёвыя партнёры — Францыя, ПАР, ЗША, Індыя, Кітай.

Зноскі