Парк імя Суворава (Кобрын)

Парк імя А. В. Суворава — парк культуры і адпачынку ў Кобрыне, помнік прыроды рэспубліканскага значэння. Плошча каля 60 гектараў (2007). Названы ў гонар расійскага палкаводца А. В. Суворава, якому належаў маёнтак «Кобрынскі ключ». Утвораны ў 1768 годзе па распараджэнні падскарбія Вялікага Княства Літоўскага А. Тызенгаўза. У 1795 годзе кобрынскі маёнтак разам з паркам быў падораны Кацярынай II Сувораву. У 1808 годзе маёнтак прададзены маёру Гельвічу, з сярэдзіны XIX стагоддзі цэнтральная сядзіба прыналежала Аляксандру Міцкевічу — брату польскага паэта Адама Міцкевіча. З 1948 з'яўляецца паркам культуры і адпачынку імя Суворава.

Парк імя А. В. Суворава
Цэнтральная алея
Асноўная інфармацыя
Тып	Парк культуры і адпачынку
Плошча	60 га
Дата заснавання	1768
park.kbr.by
Размяшчэнне
52°12′02″ пн. ш. 24°21′10″ у. д.HGЯO
Краіна	Беларусь
Парк імя А. В. Суворава
Парк імя А. В. Суворава
Медыяфайлы на Вікісховішчы

Расце больш 70 відаў дрэў і хмызнякоў, у тым ліку экзоты — кіпарысавік гарохаплодны, спірэя Біліардзі, дзявоцкі вінаград пяцілісточкавы і іншыя. У парку знаходзіцца летні тэатр, атракцыёны, танцавальная пляцоўка, водныя веласіпеды, бюст Суворава (скульптар І. М. Рукавішнікаў). Кампазіцыйнай воссю парку з'яўляецца цэнтральная алея (працяг вуліцы Суворава), якая канчаецца вадаёмам. На беразе вадаёма раней стаяла хата Суворава, зараз перанесена. Сам парк у плане прамавугольны, у аснове планіроўкі дамінаваў рэгулярны стыль, пасля дадалося некалькі ўчасткаў, выкананых у свабодным англійскім стылі.

• Краявіды парка
• 
  Уваход у парк
• 
  Вадаём

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000384

• На Вікісховішчы ёсць медыяфайлы па тэме Парк імя Суворава, Кобрын
• Афіцыйны сайт парка імя А. В. Суворава ў Кобрыне Архівавана 17 мая 2013..
• Парк імя Суворава (Кобрын) на сайце «Архіварта»