Саборная мячэць (Мінск)

Саборная мячэць — мячэць у Мінску. Знаходзіцца на вуліцы Грыбаедава, 29.

Мячэць
Саборная мячэць
Саборная мячэць
53°55′02″ пн. ш. 27°31′35″ у. д.HGЯO
Краіна	Беларусь
Горад	Мінск
Канфесія	Іслам
Тып будынка	Мячэць
Архітэктурны стыль	Ісламская архітэктура
Архітэктар	Барыс Іванавіч Аляксандраў і Уладзімір Васілевіч Трацэўскі
Будаўніцтва	2004—2016 гады
Сайт	mechet.by
Медыяфайлы на Вікісховішчы

Гісторыя

Мінская мячэць

Першая драўляная мячэць з’явілася ў Мінску ў 1599 годзе. У пачатку XX стагоддзя на месцы былога драўлянага быў узведзены мураваны будынак, разбураны ў 1962 годзе для будаўніцтва гасцініцы «Юбілейная»^[1].

У 1997 годзе архітэктарамі Барысам Аляксандравым і Уладзімірам Трацэўскім распрацаваны праект аднаўлення мячэці^[2].

Першы камень у падмурак саборнай мячэці быў закладзены ў 2004 годзе. У пачатку праект фінансаваўся дабрачыннай арганізацыяй «Рабіта» з Саудаўскай Аравіі. Пасля фундатарамі з Расіі і Турцыі, а ў 2010 годзе будаўніцтва спынілася^[3].

Будаўніцтва мячэці было скончана ў 2016 годзе і з’яўляецца падарункам беларускім мусульманам ад Рэлігійнага фонду Турцыі. Ва ўрачыстым адкрыцці мячэці ў лістападзе 2016 годзе прынялі ўдзел Прэзідэнт Рэспублікі Беларусь Аляксандр Лукашэнка і Прэзідэнт Турцыі Рэджэп Таіп Эрдаган^[4].

Галоўны фасад

У 2019 годзе ў саборнай мячэці быў адкрыты музей ісламу. У экспазіцыю ўвайшлі артэфакты, сабраныя як у Беларусі, так і за яе межамі, якія распавядаюць пра гісторыю ісламу на беларускіх землях^[5].

Зноскі

1. Каляндар // Наша Ніва № 39, 2002 г.
2. БАЙРАМ. КВАРТАЛЬНІК БЕЛАРУСКАГА ЗГУРТАВАННЯ. 1997
3. Фотофакт: культовый долгострой ожил — минскую мечеть покрасили, а купол обшили медными листами
4. Мінская саборная мячэць
5. У Мінскай саборнай мячэці адкрылі Музей ісламу

Спасылкі

• На Вікісховішчы ёсць медыяфайлы па тэме Саборная мячэць (Мінск)
• Саборная мячэць (Мінск) на сайце Глобус Беларусі (руск.)