BMW E24 — платформа BMW, на якой было пабудавана першае пакаленне 6-серыі. Аўтамабіль выпускаўся ў перыяд з 1976 па 1989 гады.
| Тып(ы) кузавы: | 2‑дзв. купэ (5‑месн.) |
| Даўжыня: | 4755 мм 4923 мм (з амерыканскімі бамперамі) |
| Шырыня: | 1725 мм |
| Вышыня: | 1365 мм 1354 мм (М6) |
| Колавая база: | 2626 мм |
| Маса: | 1450 кг 1583 кг (L6) 1619 кг (М6) |
У 1989 годзе замест 6-серыі на канвеер была пастаўлена 8-серыя BMW E31. Новае пакаленне BMW 6-серыі E63 з’явілася ў 2004 годзе.
Гісторыя мадэлі
BMW E24 замяніла мадэлі CS і CSL, якія выпускаліся з 1965 года. Выпуск пачаўся ў сакавіку 1976 двума мадэлямі 630CS і 633CSi. У першыя гады вытворчасці кузаў выпускаўся на заводах Karmann, але пазней было наладжана вытворчасць на сваіх заводах. У ліпені 1978 з’явілася больш магутная версія 635CSi (у першы час недаступная ў Паўночнай Амерыцы і Японіі), якая мела ў стандартнай камплектацыі 5-ступеньчатую КПП і чорны спойлер на крышцы багажніка. У 1979 годзе карбюратарную версію 630CS замяніла 628CSi. На аўтамабіль усталёўваўся ўпрыскны рухавік аб'ёмам 2.8 л ад BMW 528i. У 1982 (у Еўропе) і 1983 (у ЗША) паступілі ў продаж абноўленыя версіі машыны. Змены закранулі інтэр’ер і знешняе аблічча. А версія 635CSi атрымала новы рухавік аб'ёмам 3430 см3 замест 3453 см3, а таксама з’явілася аўтаматычная каробка перадач. У 1984 годзе Еўропа ўбачыла версію M635CSi з рухавіком M88 ад BMW M1. Аўтамабіль абзавёўся аэрадынамічным абвесам і быў абуты ў нізкапрофільную гуму Michelin TRX на трохсастаўных 16" дысках BBS. Мадэлі 1988 года атрымалі бамперы, здольныя вытрымаць удар пры сутыкненні з хуткасцю да 8 км/г. 1989 год стаў апошнім для E24 і ў красавіку выпуск быў скончаны. Наўзамен яе на канвеер устала 8-серыя E31.
Паўночная Амерыка і Японія
У Паўночнай Амерыцы і Японіі дзейнічалі жорсткія нормы на выкід шкодных рэчываў. Таму ўсе аўтамабілі павінны аснашчацца каталітычнымі нейтралізатарамі. Для гэтых рынкаў выпускаліся наступныя мадэлі:
- 630CSi (з 1977 па 1978)
- 633CSi (з 1978 па 1984)
- 635CSi (з 1985 па 1989)
- M6 (з 1987 па 1989)
У ЗША 6-серыя з’явілася ў 1977 годзе. Яна была прадстаўлена мадэллю 630CSi. Гэта была тая ж 630CS, толькі замест карбюратарнага рухавіка ўсталёўваўся інжэктарны аб'ёмам 3 літра. Ён выдаваў 176 к. с. (131 кВт) і 251 Н·м круцільнага моманту. У сярэдзіне 1978 630CSi была заменена на 633CSi. Рухавік M30 аб'ёмам 3.2 літра выдаваў 180 к. с. У 1985 годзе адбылася чарговая змена матора. Аб'ём павялічыўся да 3.4 літра, а магутнасць да 182 к. с., але галоўным адрозненнем быў большы круцільны момант. Замест 264 Н·м на 3.2 л новы выдаваў 290 Н·м. Змянілася і пазначэнне мадэлі. Цяпер яна стала 635CSi. ЗША атрымалі сваю M-серыю E24 у 1987. Яна насіла імя M6, магутнасць рухавіка была зніжана да 256 к. с., гэта было зроблена з-за дзеючых нормаў на выкід шкодных рэчываў.
Мадэлі
| BMW | 628CSi | 630CS | 633CSi | 635CSi | 635CSi | M635CSi |
|---|---|---|---|---|---|---|
| Гады вытворчасці: | 1979 — 1987 | 1976 — 1979 | 1976 — 1982 | 1978 — 1981 | 1982 — 1989 | 1983 — 1989 |
| Тып і размяшчэнне рухавіка: | бензінавы, радны, 6-цыліндравы, спераду падоўжна | |||||
| Дыяметр цыліндру і ход поршня: | 86 мм x 80 мм | 89 мм x 80 мм | 89 мм x 86 мм | 93.4 мм x 84 мм | 92 мм x 86 мм | 93.4 мм x 84 мм |
| Аб'ём: | 2788 см³ | 2985 см³ | 3210 см³ | 3453 см³ | 3430 см³ | 3453 см³ |
| Максімальная магутнасць: | 181к.с./135кВт пры 5800 аб/хв | 182к.с./136кВт пры 5800 аб/хв | 194к.с./145кВт пры 5500 аб/хв | 215к.с./160кВт пры 5200 аб/хв | 215к.с./160кВт пры 5200 аб/хв | 282к.с./210кВт пры 6500 аб/хв |
| Максімальны круцільны момант: | 235 Н.м пры 4200 аб/хв | 255 Н.м пры 3500 аб/хв | 284 Н.м пры 4300 аб/хв | 304 Н.м пры 4000 аб/хв | 304 Н.м пры 4000 аб/хв | 333 Н.м пры 4500 аб/хв |
| Ступень сціску: | 9.3: 1 | 9.0 : 1 | 9.3 : 1 | 9.3 : 1 | 10.0 : 1 | 10.5 : 1 |
| Сістэма сілкавання: | інжэктар Bosch L-Jetronic | карбюратар Pierburg 4A1 | інжэктар Bosch L-Jetronic | інжэктар Bosch Motronic | ||
| Аб'ём бака: | 70 л | |||||
| Сістэма газаразмеркавання: | 12 клапанаў, SOHC | 24 клапана, DOHC | ||||
| Тып ахалоджвання рухавіка: | Вадзяное ахаладжэнне | |||||
| КПП: | 4-ступеньчатая механічная (з 1979 5-ступеньчатая) ці 3-ступеньчатая аўтаматычная (з 1983 4-ступеньчатая) прывад на заднія колы | 5-ступеньчатая механічная прывад на заднія колы | ||||
| Бартавая электрасець: | 12 Вольт | |||||
| Тормазы: | дыскавыя (Ø спераду 280 мм, ззаду 272 мм), з 1984 усталёўвалася ABS | |||||
| Маса: | 1450 кг | 1475 кг | 1495 кг | 1520 кг | 1470 кг | 1510 кг |
| Поўная маса: | 1830 кг | 1830 кг | 1830 кг | 1860 кг | 1850 кг | 1850 кг |
| Каляіна пярэдняя/ задняя: | 1422 мм/1487 мм | 1422 мм/1487 мм | 1422 мм/1487 мм | 1430 мм/1460 мм | 1430 мм/1460 мм | 1430 мм/1460 мм |
| Памер шын: | 195/70VR14 | 205/70VR14 | 220/55VR390 ці 240/45VR415 | |||
| Максімальная хуткасць: | 215 км/г | 210 км/г | 215 км/г | 222 км/г | 225 км/г | 255 км/г |
| Разгон да 100 км/г (мех./аўт.): | 9.1 сек./10.9 сек. | 8.9 сек./11.2 сек. | 7.9 сек./10.4 сек. | 7.6 сек./9.1 сек. | 7.6 сек./10.5 сек. | 6.4 сек. |
| Расход паліва: | 15.5л/100 км | 16.5л/100 км | 16.5л/100 км | 17.0л/100 км | 15.0л/100 км | 18.0л/100 км |
Арт-кары
BMW 635CSi распісаны Эрнстам Фуксам у 1982 годзе стаў пятым арт-карам калекцыі BMW[3]. Праца атрымала назву «Вогненная ліса палюе на зайца». Упершыню ў калекцыі асновай для арт-кара стала серыйная мадэль.
Шосты арт-кар з’явіўся праз чатыры гады — у 1986 годзе[3]. Ім таксама стаў BMW 635CSi. Аўтар — Роберт Раушэнберг. Ён выкарыстоўваў творы іншых мастакоў: апрацоўваў выявы з дапамогай фатаграфічных метадаў і спраецыраваў іх на машыну. Злева размешчаны «Партрэт маладога чалавека» Аньёла Бранзіна, справа — карціна «Вялікая адаліска» Жана Агюста Дамініка Энгра. На капот нанеслі фатаграфіі дрэў і балотнай травы, зробленыя самім аўтарам. Дызайн колавых каўпакоў Раушэнберг прыдумаў на аснове малюнкаў антычных талерак.
Зноскі
- Oswald, Werner (2001). Deutsche Autos 1945-1990, Band 4(ням.). Stuttgart: Motorbuch Verlag. ISBN 3-613-02131-5.
- спасылкі:
- Norbye, Jan P. (1984). "Exciting Elegance: The 6-Series and 7-Series". BMW - Bavaria's Driving Machines. Skokie, IL: Publications International. p. 220. ISBN 0-517-42464-9.
The main attraction was an all-new bodyshell with handsome, contemporary, very clean lines penned by the artistic Paul Bracq.
- Status-Seeking Missiles: The BMW E24 6-Series Coupes. Ate Up With Motor. Aaron Severson (13 лютага 2010). — «The E24′s exterior was designed under the auspices of Paul Bracq, a former Daimler-Benz stylist who replaced Wilhelm Hofmeister as director of design in 1970. BMW also commissioned an alternative proposal from Giorgetto Giugiaro’s Italdesign, but the board eventually selected Bracq’s in-house proposal.» Праверана 8 мая 2014.
- Lewin, Tony. "Moving on up". The Complete Book of BMW: Every Model since 1950. St. Paul, MN US: Motorbooks International. p. 111. ISBN 0-7603-1951-0. Праверана 2014-05-14.
Under the skin – Paul Bracq's design, chosen over a rival proposal from Italy's fashionable Giorgio Giugiaro – lay familiar BMW engineering elemsnts from the 5 Series updated to suit the new era.
- Norbye, Jan P. (1984). "Exciting Elegance: The 6-Series and 7-Series". BMW - Bavaria's Driving Machines. Skokie, IL: Publications International. p. 220. ISBN 0-517-42464-9.
- Покрась меня полностью Архівавана 3 лютага 2017. // motor.ru (руск.)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
