Ёркшыр

Ёркшыр^[3] (англ.: Yorkshire, [ˈjɔrkʃər]) — гістарычнае графства на поўначы Англіі, найвялікшае ў Вялікабрытаніі^[4]. Плошча — 11 903 км².

Ёркшыр
Yorkshire
Сцяг[d]
Краіна	Вялікабрытанія[1]
Статус	гістарычнае графства
Уваходзіць у	Англія (1707—?) Каралеўства Англія (?—1707)
Уключае	3 райдынгі
Адміністрацыйны цэнтр	Ёрк
Найбуйнейшыя гарады	Лідс Шэфілд Кінгстан-апан-Хал Брэдфард Уэйкфілд
Насельніцтва (1991)	3 978 484 чал[2]
Плошча	11 903 км²
Часавы пояс	+2
Афіцыйны сайт
Медыяфайлы на Вікісховішчы

Мяжуе з іншымі гістарычнымі графствамі: Дарэмам, Лінкальншырам, Нотынгемшырам, Дэрбішырам, Чэшырам, Ланкашырам і Уэстмарлендам^[5]. Падзяляецца на тры гістарычныя раёны, або райдынгі: паўночны, заходні і ўсходні.

Абацтва Рыво ў Ёркшыры

Райдынгі Ёркшыра (1 — паўночны, 2 — заходні, 3 —усходні)

Цяпер Ёркшыр не з'яўляецца адміністрацыйнай адзінкай: у 1974 годзе была праведзеная рэарганізацыя, і гістарычнае графства было пераўтворана ў адміністрацыйныя графствы Паўночны Ёркшыр, Паўднёвы Ёркшыр, Заходні Ёркшыр і Усходні райдынг Ёркшыра. Большая частка Ёркшыра ўваходзіць у склад рэгіёна Ёркшыр і Хамбер.

Назва графства складаецца з назвы цэнтральнага горада Ёрк і англійскай адміністрацыйнай адзінкі шыр. Акрамя Ёрка, іншымі гарадамі з'яўляюцца Лідс, Шэфілд, Кінгстан-апан-Хал, Брэдфард і Уэйкфілд.

Эмблема Ёркшыра — белая ружа каралеўскага роду Ёркаў, якая выкарыстоўваецца і на сцягу графства.

Зноскі

1. archINFORM — 1994. Праверана 5 лістапада 2018.

   <a href='https://wikidata.org/wiki/Track:Q265049'></a>
2. 200 years of the Census in Yorkshire (англ.) (PDF). National Statistics (15 ліпеня 2008).

3. Адказ Цэнтра даслядванняў беларускай культуры, мовы і літаратуры НАН Беларусі «Пры перадачы на пісьме іншамоўных прозвішчаў і тапонімаў, у структуру якіх уваходзіць спалучэнне зычнага гука [й] з галоснымі, рэкамендуем карыстацца палажэннямі § 16 Правіл арфаграфіі, зацверджаных у 2008 г. У адпаведнасці з фармулёўкай пункта 3 гэтага параграфа згаданае спалучэнне ("й + галосны") перадаецца ётаванымі галоснымі, таму ёсць падставы пісаць: Якагама, Яганэсбург, Емен, еменцы, Ёркшыр, Ёган, Ёзас (як Ёфе, Нью-Ёрк).» — Адказ Цэнтра даследаванняў беларускай культуры, мовы і літаратуры НАН Беларусі

4. G. Gibbons, Yorkshire: Britain's Largest County (London: Geographica Ltd., 1969).
5. The historic counties of England (англ.). JLCarr.info (24 кастрычніка 2007). Архівавана з першакрыніцы 8 лютага 2005. Праверана 24 кастрычніка 2013.