Іван Іванавіч Крупко

Іва́н Іва́навіч Крупко́ (нар. 23 ліпеня 1974, вёска Бурдзевічы, Карэліцкі раён, Гродзенская вобласць) — беларускі дзяржаўны дзеяч. Старшыня Гомельскага абласнога выканаўчага камітэта (з 2021). Міністр сельскай гаспадаркі і харчавання Рэспублікі Беларусь (2020—2021).

Іван Іванавіч Крупко
Старшыня Гомельскага абласнога выканаўчага камітэта з 21 снежня 2021
Папярэднік	Генадзь Салавей
14-ы міністр сельскай гаспадаркі і харчавання Беларусі 17 красавіка 2020 — 21 снежня 2021
Прэзідэнт	Аляксандр Лукашэнка
Кіраўнік урада	Раман Галоўчанка
Папярэднік	Анатоль Хацько
Пераемнік	Ігар Брыло
Нараджэнне	23 ліпеня 1974(1974-07-23)[1][2] (51 год) Бурдзевічы, Жухавіцкі сельсавет, Карэліцкі раён, Гродзенская вобласць, Беларуская ССР, СССР[1]
Адукацыя	біятэхналагічны факультэт ГДАУ (1998)[1] Акадэмія кіравання пры Прэзідэнце Рэспублікі Беларусь (2007)[1]
Узнагароды
Медыяфайлы на Вікісховішчы

Біяграфія

Нарадзіўся 23 ліпеня 1974 года ў вёсцы Бурдзевічы Карэліцкага раёна Гродзенскай вобласці.

У 1991 годзе паступіў у Гродзенскі дзяржаўны сельскагаспадарчы інстытут. У 1993—1995 гадах служыў ва Узброеных сілах Рэспублікі Беларусь. У 1998 годзе скончыў Гродзенскі дзяржаўны сельскагаспадарчы інстытут па спецыяльнасці «Заатэхнія».

У 1998—2002 гадах працаваў галоўным заатэхнікам калгаса «Рассвет» Нясвіжскага раёна Мінскай вобласці^[3]. У 2003—2006 гадах працаваў начальнікам аддзела па арганізацыі вытворчасці і перапрацоўцы прадукцыі ўпраўлення сельскай гаспадаркі і харчавання Нясвіжскага райвыканкама Мінскай вобласці. У 2006—2010 гадах працаваў першым намеснікам начальніка ўпраўлення, начальнікам аддзела вытворчасці і перапрацоўкі прадукцыі ўпраўлення сельскай гаспадаркі і харчавання Нясвіжскага райвыканкама.

У 2007 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Кіраванне прадпрыемствам аграпрамысловага комплексу»^[3].

У чэрвені — верасні 2010 года працаваў першым намеснікам старшыні, начальнікам упраўлення сельскай гаспадаркі і харчавання Нясвіжскага райвыканкама. У 2010—2018 гадах — старшыня Нясвіжскага райвыканкама Мінскай вобласці.

З сакавіка 2018 года па 2020 год — старшыня Мінскага райвыканкама Мінскай вобласці^[3].

З 17 сакавіка 2020 года^[4] па 21 снежня 2021 года працаваў Міністрам сельскай гаспадаркі і харчавання Рэспублікі Беларусь.

21 снежня 2021 года прызначаны старшынёй Гомельскага абласнога выканаўчага камітэта^[5].

25 лютага 2022 года быў уключаны ў спіс беларускіх чыноўнікаў, якім забаронены ўезд на тэрыторыю ЕС за расійскую агрэсію супраць Украіны^[6]. У тым самым годзе трапіў пад санкцыі Швейцарыі, Вялікабрытаніі, Украіны, Канады^[7].

Узнагароды

• медаль «За працоўныя заслугі» (2016).

Зноскі

1. https://www.belta.by/president/view/ministrom-selskogo-hozjajstva-i-prodovolstvija-naznachen-ivan-krupko-383440-2020/
2. http://www.mshp.gov.by/about/minister
3. Міністрам сельскай гаспадаркі і харчавання назначаны Іван Крупко Архівавана 21 снежня 2021.
4. Указ Президента Республики Беларусь от 17 марта 2020 года № 98 «Об И. И. Крупко» Архівавана 9 снежня 2021. (руск.)
5. Лукашэнка прызначыў новага кіраўніка Гомельскай вобласці (нявызн.). Еўрапейскае радыё для Беларусі.
6. «Садзейнічалі расейскай агрэсіі». Пад санкцыі Эўразьвязу трапілі 20 беларускіх чыноўнікаў і вайскоўцаў (нявызн.). Беларуская служба Радыё «Свабода» (26 лютага 2022).
7. КРУПКО Іван Іванович (нявызн.)(недаступная спасылка). Архівавана з першакрыніцы 7 красавіка 2023. Праверана 7 красавіка 2023.