Іван Яўцеевіч Палякоў

У Вікіпедыі ёсць артыкулы пра іншых людзей з прозвішчам Палякоў.

Іва́н Яўце́евіч Паляко́ў (25 лістапада 1914 года, Гомель — 8 лютага 2004 года, Мінск) — савецкі, беларускі партыйны і дзяржаўны дзеяч, старшыня Гомельскага аблвыканкама (1956—57), першы сакратар Гомельскага абкама КПСС (1957—64), першы сакратар Мінскага абкама КПСС (1964—77), Старшыня Прэзідыума Вярхоўнага Савета БССР, намеснік Старшыні Прэзідыума Вярхоўнага Савета СССР (1977—85).

Іван Яўцеевіч Палякоў
Старшыня Прэзідыума Вярхоўнага Савета БССР 28 лютага 1977 — 29 лістапада 1985
Кіраўнік урада	Ціхан Кісялёў Аляксандр Аксёнаў Уладзімір Бровікаў
Папярэднік	Зінаіда Бычкоўская в.а.
Пераемнік	Георгій Таразевіч
Першы сакратар Мінскага абласнога камітэта КП Беларусі снежань 1964 — сакавік 1977
Кіраўнік урада	Ціхан Кісялёў
Папярэднік	Дзмітрый Цябут (сельскі) Антон Насілоўскі (прамысловы)
Пераемнік	Уладзімір Мікуліч
Першы сакратар Гомельскага абласнога камітэта КП Беларусі снежань 1957 — снежань 1964
Кіраўнік урада	Мікалай Аўхімовіч Ціхан Кісялёў
Папярэднік	Дзмітрый Філімонаў
Пераемнік	Валянцін Языковіч
Старшыня Гомельскага абласнога выканаўчага камітэта студзень 1956 — снежань 1957
Кіраўнік урада	Кірыл Мазураў Мікалай Аўхімовіч
Папярэднік	Уладзімір Лабанок
Пераемнік	Міхаіл Кліменка
Нараджэнне	25 лістапада 1914(1914-11-25) Гомель, Расійская імперыя
Смерць	8 лютага 2004(2004-02-08) (89 гадоў) Мінск
Партыя	КПСС
Член у	ЦК КПСС
Адукацыя	ВПШ пры ЦК ВКП(б)
Узнагароды

Біяграфія

Скончыў ВПШ пры ЦК ВКП (б) у 1949 годзе.

З 1939 года на камсамольскай рабоце,

У 1942—1943 гг. — Удзельнік партызанскага руху на тэрыторыі Беларускай ССР.

У пасляваенны перыяд знаходзіўся на камсамольскай і партыйнай рабоце — першы сакратар Гомельскага, Мінскага абкамаў камсамола, з 1949 года ўзначальваў Віцебскі гаркам, Рэчыцкі райкам партыі.

У 1956—1957 гг. старшыня выканкама Гомельскага абласнога Савета,

У 1957—1964 гг. першы сакратар Гомельскага абкама КП Беларусі,

У 1964—1977 гг. першы сакратар Мінскага абкама КП Беларусі,

У 1977—1985 гг. Старшыня Прэзідыума Вярхоўнага Савета Беларускай ССР, намеснік старшыні Прэзідыума Вярхоўнага Савета СССР.

Член ЦК КПСС у 1966—86 гг. (Кандыдат у члены ЦК КПСС у 1961—66 гг.). Член КПСС з 1940 года.

Дэпутат Савета Саюза Вярхоўнага Савета СССР 5—11 скліканняў (1958—1989) ад Мінскай вобласці^[1].

З 1985 года — на пенсіі.

Узнагароды і званні

Герой Сацыялістычнай Працы (1973). Узнагароджаны чатырма ордэнамі Леніна, ордэнамі Кастрычніцкай рэвалюцыі, Айчыннай вайны I ступені, двума ордэнамі баявога Чырвонага Сцяга, ордэнам Працоўнага Чырвонага Сцяга, шматлікімі медалямі.

Зноскі

1. Список депутатов Верховного Совета СССР 11 созыва