Івахнавічы

Іва́хнавічы^[1] (трансліт.: Ivachnavičy, руск.: Ивахновичи) — вёска ў Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчаны за 20 км на паўночны ўсход ад Брэста, за 13 км ад чыгуначнай станцыі Жабінка.

Вёска Івахнавічы Краіна Беларусь Вобласць Брэсцкая Раён Брэсцкі Сельсавет Чарнаўчыцкі Каардынаты 52°12′24″ пн. ш. 23°49′40,67″ у. д.HGЯO Насельніцтва ▼120 чал. (2019) Часавы пояс UTC+3 Тэлефонны код +375 162 Паштовыя індэксы 225040 Аўтамабільны код 1 СААТА 1212846036 Івахнавічы Івахнавічы Івахнавічы

У складзе СВК «Чарнаўчыцы» (цэнтр — в. Чарнаўчыцы).

Гісторыя

У XIX стагоддзі вёска ў Брэсцкім павеце Гродзенскай губерні, уваходзіла ў склад маёнтка Чарнаўчыцы. У 1858 годзе ўладанне графаў Грабоўскіх. У 1897 годзе вёска ў Турнянскай воласці, дзейнічалі хлебазапасны магазін і карчма.

Паводле Рыжскага мірнага дагавора 1921 года ў складзе Польскай Рэспублікі, у Турнянскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну фашысты знішчылі 3 двары; 6 вяскоўцаў загінулі на фронце, 3 — у партызанах.

У кастрычніку 1949 года арганізаваны калгас імя Андрэева, у які ўвайшлі 48 гаспадарак са 109. У выніку ўзбуйненняў калгасаў вёска зрабілася падраздзяленнем калгаса «Іскра».

Інфраструктура

• Фельчарска-акушэрскі пункт
• Клуб
• Бібліятэка

Насельніцтва

• 263 сялянскія душы (1858)
• 69 двароў, 545 жыхароў (1897)
• 37 двароў, 219 жыхароў (1921)
• 81 двор, 280 жыхароў (1940)
• 346 жыхароў (1959)
• 256 жыхароў (1970)
• 59 гаспадарак, 144 жыхары (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Вахну́вічы