Ігар Алегавіч Траянчук

Ігар Алегавіч Траянчу́к^[4] (27 лістапада 1956, Палтава, Украіна — 15 верасня 2018) — беларускі вучоныт ў галіне фізікі цвёрдага цела. Член-карэспандэнт Нацыянальнай акадэміі навук Беларусі (2004), доктар фізіка-матэматычных навук (1991), прафесар (2003).

Ігар Алегавіч Траянчук
Дата нараджэння	27 лістапада 1956(1956-11-27)[1]
Месца нараджэння	Палтава, Палтаўская вобласць, УССР, СССР[1]
Дата смерці	15 верасня 2018(2018-09-15)[2][3] (61 год)
Грамадзянства	СССР  Беларусь
Род дзейнасці	навуковец
Навуковая сфера	фізіка цвёрдага цела
Месца працы	Навукова-практычны цэнтр НАН Беларусі па матэрыялазнаўстве
Навуковая ступень	доктар фізіка-матэматычных навук (1991)
Навуковае званне	прафесар член-карэспандэнт НАН Беларусі
Альма-матар	БДУ (1979)
Прэміі	прэмія Нацыянальнай акадэміі навук Беларусі (2010)

У Вікіпедыі ёсць артыкулы пра іншых людзей з прозвішчам Траянчук.

Біяграфія

Скончыў Беларускі дзяржаўны ўніверсітэт (1979). З 1979 года ў Інстытуце фізікі цвёрдага цела і паўправаднікоў НАН Беларусі: з 1982 года малодшы навуковы супрацоўнік, навуковы супрацоўнік, старшы навуковы супрацоўнік, у 1993—1995 гадах вядучы навуковы супрацоўнік. З 1995 года загадчык лабараторыі Аб’яднанага інстытута фізікі цвёрдага цела і паўправаднікоў Нацыянальнай акадэміі навук Беларусі (з 2007 года Навукова-практычны цэнтр Нацыянальнай акадэміі навук Беларусі па матэрыялазнаўстве).

Навуковая дзейнасць

Аўтар больш за 400^[5] навуковых прац, у тым ліку 2 манагарафій^[5] па атрыманні новых магнітных матэрыялаў на аснове аксідаў пераходных элементаў, даследаванні іх магнітнай структуры, высвятленню прыроды ўзаемасувязі электраправоднасці і магнітнага стану. Распрацаваў канцэпцыю арбітальнага фазавага расслаення ў магнітных паўправадніках. Распрацаваў тэхналогію атрымання высокакаэрцытыўнага ігольчастага гексаферыту барыю для магнітнага запісу інфармацыі на гнуткіх носьбітах і шэраг высокачастотных і магнітажорсткіх магнітных матэрыялаў, метады паніжэння тэмпературы спякання керамічных матэрыялаў і інш.

Сярод апублікаванага:

• Фазовые превращения в сложных оксидах марганца : диссертация … доктора физико-математических наук : 01.04.07. — Минск, 1991. — 272 с. : ил.;
• Phase transitions in the Gd0.5Ba0.5CoO3 perovskite / / Phys. Rev. Lett. 1998. Т.80. Р.3380 (у суаўтарстве);
• Magnetic phase transitions in the Nd (Mn0.9Me0.1) O3 (Me = Al, Fe, Cr, Zn) perovskites / / J. Magn. Magn. Mater. 2001. Т.231. Р.53.
• Затюпо А. А., Башкиров Л. А., Петров Г. С., Троянчук И. О., Сирота И. М. Синтез и фазовый состав кобальтитов-галлатов самария SmCo_{1-x}Ga_{x}O_{3} // Весцi Нацыянальнай Акадэмii Навук Беларусi. Серыя хiмiчных навук. 2011. № 4. С. 5-9.

Прэміі

• Дзяржаўная прэмія Рэспублікі Беларусь у галіне навукі і тэхнікі (2004, у аўтарскім калектыве^[5]) — за працу «Магнітныя структуры і фізічныя ўласцівасці шматкампанентных сістэм з пераходнымі і рэдказямельнымі элементамі, распрацоўка новых магнітных матэрыялаў, стварэнне і вытворчасць элементаў і прылад электроннай тэхнікі».
• Прэмія НАН Беларусі ў намінацыі «Самы цытуемы аўтар» (2010)^[5].