Ігар Васільевіч Карпаў

Ігар Васільевіч Карпаў (нар. 23 верасня 1946, г. Казань, РСФСР) — беларускі архітэктар.

Ігар Васільевіч Карпаў
Дата нараджэння	23 верасня 1946(1946-09-23) (78 гадоў)
Месца нараджэння	Казань, Татарская АССР[d], РСФСР, СССР
Альма-матар	Інстытут жывапісу, скульптуры і архітэктуры імя І. Я. Рэпіна (1975)
Месца працы	Мінскпраект Адміністрацыя Партызанскага раёна г. Мінска Дзяржбуд Рэспублікі Беларусь Міністэрства архітэктуры і будаўніцтва Рэспублікі Беларусь Інстытут БелНДІБ
Уплыў	Ігар Іванавіч Фамін[d]

У Вікіпедыі ёсць артыкулы пра іншых людзей з прозвішчам Карпаў.

Біяграфія

Скончыў ў 1975 годзе архітэктурны факультэт Інстытута жывапісу, скульптуры і архітэктуры імя І. Я. Рэпіна ў Ленінградзе, дзе вучыўся ў майстэрні акадэміка архітэктуры, Народнага архітэктара СССР Ігара Іванавіча Фаміна. У 1976 годзе атрымаў дыплом I ступені Усесаюзнага агляду дыпломных работ.

У 1975—1978 гадах архітэктар, старэйшы архітэктар у ДПІ «Мінскпраект»; у 1978—1989 гадах галоўны архітэктар Партызанскага райвыканкама г. Мінска; у 1989—1994 гадах галоўны архітэктар аддзела горадабудаўніцтва Партызанскага раёна г. Мінска, Дзяржбуд БССР; у 1994—2008 гадах галоўны спецыяліст, начальнік аддзела архітэктуры, тыпалогіі будынкаў і праектных работ Міністэрства архітэктуры і будаўніцтва Беларусі; 2008 намеснік дырэктара па праектаванні ПУП «Дом Парк»; з 2009 года начальнік навукова-даследчага аддзела эксперыментальнага праектавання РУП «БелНДІБ».

Творчасць

Станцыі метро «Плошча Леніна»

Асноўныя працы: 9-ці павярховы жылы дом па вул. Пуліхава ў Мінску (1975, сааўтары С. Б. Баткоўскі, Л. Б. Гельфанд, Ю. К. Кустаў); інтэр’ер станцыі метро «Плошча У. І. Леніна» (1975; не рэалізаваны; сааўтар С. Б. Баткоўскі); тэатр музычнай камедыі ў г. Мінску (1976—1977, сааўтары А. Ф. Ткачук, У. М. Тарноўскі, А. В. Шорап); палац культуры танкасуконнага камбіната на рагу вуліц Матусевіча і Сердзіча ў Мінску (1977, сааўтары А. Ф. Ткачук, А. В. Шорап); планіроўка забудовы жылога квартала па вул. Старавіленскай у Мінску (1977, сааўтары А. Ф. Ткачук, А. В. Шорап); інтэр’ер кафэ «Малочнае» па вул. Пуліхава ў Г. Мінску (1978); інтэр’ер зімовага саду ВА «Будмаш» у г. Мінску (1980); добраўпарадкаванне сквераў з распрацоўкай малых архітэктурных формаў у г. Мінску (1981-87) па вул. Першамайскай — Захарава; вул. Слясарнай — Трактарнай; вул. Радыяльнай—Ваўпшасава; вул. Казлова—Кашавога; вул. Уральскай—Фролікава; генплан забудовы ўчастку, які прылягае да МКАД і Ленінскага праспекта з размяшчэннем крытых лядовых каткоў для хакея Дзяржкамспорту БССР (1991, сааўтары І. І. Есьман, В. Г. Путроў).

Узнагароды

Узнагароджаны граматамі БСА (1980, 1984, 1999, 2006).

Зноскі