Ідолта (возера)

У паняцця ёсць і іншыя значэнні, гл. Ідолта.

Ідо́лта — возера ў Мёрскім раёне Віцебскай вобласці, у басейне ракі Вята, за 11 кіламетраў на паўночны захад ад горада Мёры.

Ідолта
Морфаметрыя
Вышыня над узроўнем мора	132 м[1]
Даўжыня	1,7 км
Шырыня	0,63 км
Плошча	0,58 км²
Аб’ём	0,00247 км³
Даўжыня берагавой лініі	5,4 км
Найбольшая глыбіня	13,1 м
Сярэдняя глыбіня	4,3 м
Гідралогія
Салёнасць	0,14 ‰
Празрыстасць	1,7 м
Басейн
Плошча вадазбору	13,2 км²
Упадаюць	ручаі
Выцякаюць	рака Вята
Размяшчэнне
Краіна	Беларусь
Рэгіён	Віцебская вобласць
Ідолта
Ідолта
Медыяфайлы на Вікісховішчы

Плошча паверхні — 0,58 км². Даўжыня — 1,7 кіламетраў, найбольшая шырыня — 630 метраў, найбольшая глыбіня — 13,1 м, даўжыня берагавой лініі — 5,4 км. Плошча вадазбору — 13,2 км².
Катлавіна возера падпруднага тыпу, выцягнутая з поўначы на поўдзень. Схілы катлавіны вышынёй 15-20 метраў, параслі лесам, на ўсходзе 2-5 метраў, разараныя, пад хмызняком, на захадзе невыразныя. Берагі нізкія, пясчаныя, пад хмызняком, на ўсходзе і паўночным захадзе сплавінныя. Мелкаводдзе да 2 метраў пясчанае, ніжэй — глеістае. Возера эўтрофнае, слабапраточнае. Упадаюць два ручаі, на поўдні выцякае ручай у раку Вята. Шырыня паласы прыбярэжнай расліннасці складае 10—100 м.

У возеры водзяцца шчупак, акунь, плотка, лінь, верхаводка.

Каля возера размешчаны аграгарадок Ідолта і вёска Мілашова.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: БелЭн, 1998. — Т. 7. — 608 с. — 10 000 экз. — ISBN 985-11-0130-3.
• Міронаў В. Р. Ідолта // Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
• Северная Беларусь: Атлас автотуриста / Гл. ред. И. Чумак. — Мн.: Квадрограф, 2010. — С. 10. — 48 с. — 10 000 экз. — ISBN 978-985-6434-56-6. (руск.)