Іжма

У паняцця ёсць і іншыя значэнні, гл. Іжма (значэнні).

І́жма (Изьва, руск.: И́жма) — рака ў Еўрапейскай частцы Расіі, у Рэспубліцы Комі, левы прыток ракі Пячора.

Іжма
комі Изьва, руск. Ижма
Рака Іжма каля сяла Усць-Ухта
Характарыстыка
Даўжыня	531 км
Басейн	31 000 км²
Расход вады	203 м³/с (154 км ад вусця)
Вадацёк
Выток	Ціманскі краж
• Вышыня	вышэй 197 м
• Каардынаты	62°41′27″ пн. ш. 55°00′40″ у. д.HGЯO
Вусце	Пячора (455 км ад вусця)
• Месцазнаходжанне	с. Усць-Іжма (Іжэмскага раёна Рэспублікі Комі)
• Каардынаты	65°19′24″ пн. ш. 52°54′28″ у. д.HGЯO
Размяшчэнне
Водная сістэма	Пячора → Баранцава мора
Краіна	Расія
Рэгіён	Рэспубліка Комі
Код у ДВР	03050300112103000075588
Басейн Пячоры
выток вусце
— выток, — вусце
Медыяфайлы на Вікісховішчы

Геаграфія

Даўжыня ракі 531 км. Плошча вадазбору 31 000 км². Іжма бярэ пачатак на поўдні Ціманскага кража, цячэ на паўночны захад. У вярхоўях берагі пакрытыя лесам, у ніжнім цячэнні па берагах больш лугоў і балот. Рэчышча звілістае, у верхнім і сярэднім цячэнні ў рэчышчы ёсць парогі і камяністыя перакаты. Самы вялікі парог — Селем-Косьет (Сардэчны) — знаходзіцца ніжэй Саснагорска. Ад вусця Ухты Іжма суднаходная. У ніжнім цячэнні Іжма моцна пашыраецца (да 400—1000 м)^[1], цячэнне слабее, рака пачынае ўтвараць пратокі, затокі і вялікія астравы. Упадае ў Пячору каля вёскі Усць-Іжма некалькімі пратокамі. Жыўленне ракі снегавое^[1]. Замярзае ў пачатку лістапада, вызваляецца ад лёду ў сярэдзіне мая^[1].

Найбуйнейшыя прытокі — Седзью, Ухта, Кедва (левыя); Аюва, Сэбысь (правыя).

Рака суднаходная на адлегласці 82 км ад вусця (да сяла Іжма)^[2].

Зноскі

1. Научно-популярная энциклопедия «Вода России»
2. Государственный водный реестр РФ