Ілья Барысавіч Катунін

Ілля Барысавіч Катунін (17 лістапада 1908 — 23 красавіка 1944) — савецкі ваенны лётчык, удзельнік Вялікай Айчыннай вайны, Герой Савецкага Саюза.

Ілля Барысавіч Катунін
Дата нараджэння	17 лістапада 1908(1908-11-17)
Месца нараджэння	Гомель, Расійская імперыя
Дата смерці	23 красавіка 1944(1944-04-23) (35 гадоў)
Месца смерці	Вардзё, Нарвегія
Альма-матар	Ейскі вышэйшы ваенны авіяцыйны інстытут[d] (1934)
Грамадзянства	СССР
Прыналежнасць	СССР
Род войскаў	авіяцыя ВМФ
Гады службы	1941—1944
Званне	капітан, вайсковае званне|Капітан
Часць	46 штурмавы авіяполк
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Біяграфія

Пасля заканчэння сярэдняй школы працаваў слесарам на станкабудаўнічым заводзе. Праходзіў службу ў ваенна-марскім флоце з 1932 па 1934 гг. У 1934 г. скончыў Ейскую школу марскіх лётчыкаў  (руск.).

З 1934 г. — пілот-інструктар бежыцкага аэраклуба, потым начальнік лётнай часці Бранскага аэраклуба. У дзеючую армію накіраваны вясной 1943 г., у 46-ы авіяполк  (руск.) Паўночнага флота, які дыслацыраваўся ў Запаляр'і. Здзейсніў 12 баявых вылетаў.

23 красавіка 1944 г. для знішчэння варожага канвоя ў Варанген-фіордзе (Паўночная Нарвегія) выляцела васьмёрка «ілаў» пад прыкрыццем 14 знішчальнікаў. Групу вёў парторг эскадрыллі капітан І. Б. Катунін. У раёне Вардзё яго штурмавікі дакладна выйшлі на караван, які складаўся з 8 транспартаў і 20 караблей аховы, сярод якіх было 6 мінаносцаў. Знішчальнікі прыкрыцця звязалі боем гітлераўскія самалёты, а штурмавікі Катуніна, якія прарваліся праз шчыльны зянітны агонь, накіраваліся да транспартаў.

Вядучы пайшоў у атаку на галаўны транспарт. Раптоўна яго Іл-2 быў падбіты і загарэўся. Капітан Катунін увёў машыну у піке на вышыні 1300 метраў і накіраваў яе ў транспарт. Адбыўся моцны выбух, і карабель ворага ў 3000 брута рэгістравых тон затануў.

Узнагароды

• Медаль «Залатая Зорка» — 31 мая 1944 года.
• Ордэн Леніна — 31 мая 1944 года.
• Ордэн Чырвонага Сцяга.

Мемарыяльныя месцы

Бюст І. Б. Катуніна, усталяваны ў пасёлку Сафонава  (руск.) на Алеі Герояў каля музея ВПС ПФ  (руск.)

Память

• Імянем І. Б Катуніна названыя:

пасёлак у Архангельскай вобласці;

вуліца і сярэдняя школа № 13 у Бранске;

вуліца ў Гомелі;

вялікі маразільны траўлер МБ-423 «Ілья Катунін»

• У 1978 г. выдадзены мастацкі маркіраваны канверт, прысвечаны Герою.

Зноскі