Ілулісат

Ілулісат, таксама Якабсхаўн — горад і адміністрацыйны цэнтр аднайменнага муніцыпалітэта, размешчанага ў Заходняй Грэнландыі. Плошча тэрыторыі муніцыпалітэта 47000 км². Насельніцтва муніцыпалітэта дасягае 4996 чал., з якіх у горадзе, размешчаным у 200 км на поўнач ад Палярнага круга, пражывае 4533 чалавек (на 2005), гэта трэці па колькасці насельніцтва горад Грэнландыі. У перакладзе з грэнландскай мовы слова «ілулісат» азначае «айсбергі». Асноўная галіна — турызм.

Горад Ілулісат Ilulissat Сцяг Герб Краіна  Грэнландыя Каардынаты 71°14′ пн. ш. 53°34′ з. д.HGЯO Заснаваны 1741 Плошча 11,25 км² Вышыня цэнтра 2 010 м Насельніцтва 4453 чалавекі (2005) Тэлефонны код 94 Паштовыя індэксы 3952 Ілулісат на карце Грэнландыі

Медыяфайлы на Вікісховішчы

Гісторыя

Археалагічныя раскопкі датуюць першыя паселішчы людзей у гэтай мясцовасці перыядам каля 3500 гадоў таму, у гэтай мясцовасці раней знаходзілася адно з найбуйнейшых паселішчаў на востраве, дзе пражывала каля 250 чалавек. Сучасны горад быў заснаваны ў 1741 годзе дацкімі місіянерамі.

У 1879 годзе тут нарадзіўся этнограф і даследчык Арктыкі Кнуд Расмусен. Сёння яго дом служыць музеем, дзе прадстаўлены матэрыялы і экспанаты якія ён сабраў у сваіх экспедыцыях. Таксама ў горадзе знаходзіцца Мастацкі музей Ілулісата — галоўны выставачны цэнтр паўночнай часткі краіны і Музей холаду, прысвечаны геалогіі і гляцыялогіі вострава, а таксама ў ім прадстаўлена экспазіцыя вырабаў дацкіх пасяленцаў і інуітаў.

27-29 мая 2008 года тут праводзілася Канферэнцыя па Паўночным Ледавітым акіяне, на якой прысутнічалі міністры замежных спраў Канады, Даніі, Нарвегіі, Расіі і ЗША.

Эканоміка

Традыцыйнымі промысламі мясцовага насельніцтва галоўным чынам з'яўляюцца лоўля рыбы і бой марскога звера. Але асноўны даход жыхары атрымліваюць ад турызму.

Насельніцтва

Год Колькасць 1977 3 572 [1] 1978 3 423 [1] 1979 3 535 [1] 1980 3 648 [1] 1981 3 724 [1] 1982 3 759 [1] 1983 3 878 [1] 1984 3 862 [1] 1985 3 929 [1] 1986 4 043 [1] 1987 4 135 [1] Год Колькасць 1988 4 214 [1] 1989 4 239 [1] 1990 4 191 [1] 1991 4 135 [1] 1992 4 156 [1] 1993 4 072 [1] 1994 4 057 [1] 1995 4 052 [1] 1996 4 086 [1] 1997 4 168 [1] 1998 4 159 [1] Год Колькасць 1999 4 169 [1] 2000 4 200 [1] 2001 4 145 [1] 2002 4 285 [1] 2003 4 525 [1] 2004 4 470 [1] 2005 4 533 [1] 2006 4 511 [1] 2007 4 512 [1] 2008 4 584 [1] 2009 4 528 [1] Год Колькасць 2010 4 546 [1] 2011 4 606 [1] 2012 4 621 [1] 2013 4 541 [1] 2014 4 530 [1] 2015 4 491 [1] 2016 4 442 [1] 2017 4 555 [1] 2018 4 563 [1] 2020 4 670 [1] 2022 4 737 [2]

Транспарт

Транспартнае паведамленне ажыццяўляецца паветраным шляхам, які абслугоўвае мясцовая авіякампанія Air Greenland.

Фіёрд Ілулісат

40-кіламетровы фіёрд Ілулісат запоўнены айсбергамі, якія спаўзаюць з ледавіка Сермек-Куджалек, што мае шырыню каля 5 км пры таўшчыні лёду ў ніжняй частцы каля 150 метраў, з'яўляецца самым прадуктыўным у Паўночным паўшар'і. У 2004 годзе быў унесены ў спіс аб'ектаў Сусветнай спадчыны ЮНЕСКА.

Гарады-пабрацімы

•  Фрэдэрысія, Данія
•  Фуглафіёрдур, Фарэрскія астравы
•  Хабнарфіёрдур, Ісландыя