Ілья Міхайлавіч Глазкоў

У Вікіпедыі ёсць артыкулы пра іншых людзей з прозвішчам Глазкоў.

Ілья́ Міха́йлавіч Глазкоў (1 жніўня 1922, г. Генічэск, Херсонская вобласць — 16 мая 1996^[1]) — дзяржаўны дзеяч БССР, доктар тэхнічных навук (1974)^[2].

Ілья Міхайлавіч Глазкоў
Намеснік Старшыні Савета Міністраў БССР 1974 — 1982
Кіраўнік урада	Ціхан Кісялёў Аляксандр Аксёнаў
Нараджэнне	1 жніўня 1922(1922-08-01) Гэнічэск, Мелітопальскі павет[d], Запарожская губерня[d], УССР
Смерць	16 мая 1996(1996-05-16) (73 гады) Мінск, Беларусь
Месца пахавання	Усходнія могілкі
Партыя	КПСС
Адукацыя	БПІ (1954)
Навуковая ступень	доктар тэхнічных навук
Навуковая дзейнасць
Навуковая сфера	машынабудаванне
Месца працы	Беларускі дзяржаўны ўніверсітэт інфарматыкі і радыёэлектронікі
Бітвы	Вялікая Айчынная вайна
Узнагароды

Біяграфія

Удзельнік партызанскага руху ў гады Вялікай Айчыннай вайны. Прайшоў шлях ад радавога байца да камісара партызанскага атрада «Чырвонагвардзейскі» брыгады імя У. І. Леніна Шчучынскага партызанскага злучэння^[3].

З 1944 года на камсамольскай, гаспадарчай і партыйнай працы. З 1951 года загадчык аддзелам Фрунзенскага, з 1953 сакратар Ленінскага РК КПБ горада Мінска. Скончыў БПІ ў 1954 годзе. З 1955 сакратар парткома, намеснік галоўнага канструктара Мінскага аўтазавода^[2].

З 1961 года начальнік аддзела, галоўны канструктар СКБ, начальнік КБ, з 1971 года генеральны дырэктар навукова-вытворчага аб’яднання «Планар»^[1] у Мінску. З 1974 года намеснік старшыні Савета Міністраў БССР. У 1982—1994 гадах у Мінскім радыётэхнічным інстытуце, прафесар кафедры сучасных электронных тэхналогій^[1].

Член ЦК КПБ з 1976. Дэпутат Вярхоўнага Савета БССР (1975—1984)^[2].

Узнагароды

• Ордэн Леніна
• Ордэн Айчыннай вайны 1-й ступені
• Ордэн Чырвонага Сцяга
• Ордэн Працоўнага Чырвонага Сцяга
• Ордэн Дружбы народаў
• Удастоены звання ганаровага грамадзяніна гарадоў Шчучына (1977)^[4] і Дзятлава (1989)^[4] за актыўны ўдзел у партызанскім руху^[3] і Мастоўскага раёна^[4].
• Дзяржаўная прэмія СССР (1973)^[2].

Памяць

• Помнік на магіле на Усходніх могілках у Мінску^[5].

Зноскі

1. БелЭн 1997.
2. Глазков Илья Михайлович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 148. — 737 с.
3. Ілья Міхайлавіч Глазкоў
4. Долготович Б. Д. Почётные граждане белорусских городов: биограф. справочник (руск.) / Б. Д. Долготович. — Мн.: Беларусь, 2008. — 368 с. — 2 000 экз. — ISBN 978-985-01-0784-8.
5. Постановление Совета Министров Республики Беларусь от 21 апреля 1998 г. № 630 «Об увековечении памяти государственного деятеля Республики Беларусь Глазкова И. М.» Архівавана 5 сакавіка 2016. (руск.)