Херсонская вобласць

Херсо́нская во́бласць (укр.: Херсо́нська о́бласть) — адміністрацыйна-тэрытарыяльная адзінка ва Украіне. Плошча вобласці складае 28,461 тыс. км². Насельніцтва — 1 037 640 чалавек (2019). Адміністрацыйны цэнтр — горад Херсон.

Херсонская вобласць
Херсонська область
Герб[d] Сцяг[d]
Краіна	Украіна
Уваходзіць у	Украіна (1991—?)
Адміністрацыйны цэнтр	Херсон
Дата ўтварэння	30 сакавіка 1944
Кіраўнік	Генадзь Лагута[d]
Насельніцтва	▼1 001 598 чал. (1 студзеня 2022)[1]
Плошча	28,461 тыс.
Вышыня над узроўнем мора  • Найвышэйшы пункт  • Сярэдняя вышыня  • Самы нізкі пункт	102 м  46 м  0 м
Часавы пояс	UTC+2 і UTC+03:00
Код ISO 3166-2	UA-65
Код аўтам. нумароў	ВТ
Афіцыйны сайт
Медыяфайлы на Вікісховішчы

У складзе вобласці 49 тэрытарыяльных грамад^[2].

Геаграфія

Размешчана на поўдні Украіны; абмываецца Чорным і Азоўскім морамі. Берагавая лінія парэзана залівамі і ліманамі (Дняпроўскі ліман, Сіваш, Ягарлыцкі, Тэндраўскі, Джарылгацкі залівы). Шмат астравоў. Уздоўж узбярэжжа распасціраюцца косы: Тэндраўская, Кінбурнская, Арабацкая Стрэлка.

Большая частка тэрыторыі ў межах Прычарнаморскай нізіны (вышыня каля 100 м). Паверхня парэзана далінамі рэк, ярамі. Карысныя выкапні: мінеральныя будаўнічы матэрыялы (пясок, гліна, вапнякі), солі Сіваша, торф, лекавыя гразі.

Клімат умерана кантынентальны. Сярэдняя тэмпература студзеня ад −3 да −5 °C, ліпеня 21—23 °C. Ападкаў 300—400 мм за год.

Галоўная рака — Дняпро. Да чэрвеня 2023 года існавала Кахоўскае вадасховішча.

На поўначы пашыраны чарназёмныя глебы, на поўдні — цёмна-каштанавыя і каштанавыя. Стэпы пераважна разараныя, невялікія ўчасткі дрэвава-хмызняковай расліннасці. Запаведнікі Асканія-Нова, Чарнаморскі.

Гісторыя

Херсонская вобласць была ўтворана 30 сакавіка 1944 года ў складзе УССР. З 1991 года ў незалежнай Украіне.

З 2022 года значная частка Херсонскай вобласці акупавана Расіяй і не кантралюецца ўладамі Украіны.