Іль-дэ-Ба

Іль-дэ-Ба (брэт.: Enez Vaz; фр.: Île de Batz) — востраў у дэпартаменце Фіністэр на паўночным захадзе Брэтані (Францыя). Плошча — 3,05 км². Насельніцтва (2016 г.) — 483 чалавек.

Іль-дэ-Ба
брэт. Enez Vaz, фр. Île de Batz
Панарама
Характарыстыкі
Плошча	3,05 км²
Насельніцтва	483 чал.
Шчыльнасць насельніцтва	158,36 чал./км²
Размяшчэнне
48°44′43″ пн. ш. 4°00′35″ з. д.HGЯO
Акваторыя	Атлантычны акіян
Краіна	Францыя
Рэгіён	Брэтань
Іль-дэ-Ба
Медыяфайлы на Вікісховішчы

Геаграфія

Іль-дэ-Ба месціцца за 83 км на поўнач ад Кемпера, адміністрацыйнага цэнтра Фіністэра. Уяўляе сабою паверхню падводнага гранітнага плато, аддзеленага ад Брэтонскага паўвострава пралівам (1,4 км). Даўжыня з захаду на ўсход — 3,71 км. Найбольшая шырыня — 1,62 км. Хаця назва вострава перакладаецца з брэтонскай мовы як «пляскаты», яго рэльеф адрозніваецца няроўнасцю, выхадамі гранітнага карсту, наяўнасцю расколін і валуноў. Найвышэйшы пункт не перавышае 33 м над узроўнем акіяна.

Клімат мяккі акіянічны. Сярэдняя гадавая дзённая тэмпература трымаецца каля +11,5 °C. Узімку тут не бывае маразоў. Летняя спёка асцюджаецца прахалоднымі плынямі з боку Ла-Манша. Дзякуючы гэтаму мясцовыя жыхары вырошчваюць разам са звыклымі для сваёй шыраты трапічныя і субтрапічныя расліны.

• 
  Карта вострава 1876 г.
• 
  Праліў паміж востравам і Брэтонскім паўвостравам
• 
  Прыбярэжны ландшафт

Прырода

Большая частка паверхні Іль-дэ-Ба значна зменена чалавекам у выніку шматвекавой сельскагаспадарчай дзейнасці. На астатніх тэрыторыях захавалася лугавая расліннасць. На паўднёвым захадзе для агульнага наведвання адкрыты батанічны сад з трапічнымі і субтрапічнымі культурамі. На берагах гняздуюць марскія птушкі. Акіянічныя воды вакол вострава багатыя на водарасці.

• 
  Паша на ўзбярэжжы
• 
  Макавыя зараснікі
• 
  Батанічны сад

Спасылкі

• Ile de Batz Bienvenue!
• The Isle of Batz
• Ile de Batz: Histoire, Patrimoine, Noblesse
• Île de Batz — histoire maritime de Bretagne Nord

Памылка Lua у Модуль:External_links на радку 45: assign to undeclared variable 'link'.