Ілі (рака)

У паняцця ёсць і іншыя значэнні, гл. Ілі.

Ілі́^[2] — рака ў Кітаі і Казахстане.

Ілі
кіт.: 伊犁河 каз.: Іле уйг.: Или
Характарыстыка
Даўжыня	1 439 км
Басейн	140 000 км²
Расход вады	480 м³/с
Вадацёк
Выток	Tekes River[d]
• Каардынаты	43°35′19″ пн. ш. 82°30′31″ у. д.HGЯO
Вусце	Возера Балхаш[1]
• Каардынаты	45°20′14″ пн. ш. 74°03′21″ у. д.HGЯO
Размяшчэнне
Водная сістэма	Возера Балхаш
Краіна	Кітай  Казахстан
— выток, — вусце
Медыяфайлы на Вікісховішчы

Даўжыня 1001 км (разам з ракой Тэкес — 1439 км)^[3], плошча вадазбору 140 тыс. км². Пачынаецца ва Усходнім Цянь-Шані пры зліцці двух вытокаў — Тэкес і Кунгес. Упадае ў возера Балхаш. У вярхоўі — горная рака, ніжэй упадзення ракі Каш даліна расшыраецца, тут Iлі падзяляецца на рукавы. Да горада Капчагай цячэ па шырокай катлавіне, у нізкіх, месцамі забалочаных берагах, ніжэй уступае ў цясніну Капчагай, дзе пабудаваны Капчагайская ГЭС і Капчагайскае вадасховішча. Потым цячэ па Прыбалхашскай раўніне, пры ўпадзенні ўтварае дэльту (плошча 9 тыс. км²) з мноствам рукавоў.

Асноўныя прытокі: Каш, Харгос (справа), Чарын, Чылік, Талгар, Каскелен, Курты (злева).

Жыўленне ледавікова-снегавое. Ледастаў са снежня да сакавіка. Сярэдні гадавы расход вады ў вусці 329 м³/с, на 270 км вышэй (с. Учжарма) — 469 м³/с.

Суднаходная ад горада Кульджа (Кітай); у Казахстане — ад дзяржаўнай мяжы да прыстані Баканас. Выкарыстоўваецца на арашэнне.

Зноскі

1. Балхаш // Большая Советская Энциклопедия, том 4: Атоллы — Барщина — 1926. — Т. 4. — С. 568.

   <a href='https://wikidata.org/wiki/Track:Q43451049'></a><a href='https://wikidata.org/wiki/Track:Q43200225'></a><a href='https://wikidata.org/wiki/Track:Q20078554'></a>
2. БелЭн 1998.
3. Военный энциклопедический словарь / Пред. Гл. ред. комиссии Н. В. Огарков. — М. Воениздат, 1983. — С. 285. — 633 с. с ил., 30 л. ил. (руск.)