Індрубка

І́ндрубка^[1] (трансліт.: Indrubka, руск.: Индрубка) — вёска ў Астравецкім раёне Гродзенскай вобласці. Уваходзіць у склад Гудагайскага сельсавета.

Вёска Індрубка Краіна Беларусь Вобласць Гродзенская Раён Астравецкі Сельсавет Гудагайскі Каардынаты 54°33′31″ пн. ш. 25°57′13″ у. д.HGЯO Насельніцтва ▼76 чал. (2009) Часавы пояс UTC+3 Тэлефонны код +375 1591 Паштовыя індэксы 231201 Аўтамабільны код 4 Індрубка на карце Беларусі ±

11 лютага 1972 года вёска перададзена з адміністрацыйнага падпарадкавання Астравецкага пассавета ў Гудагайскі сельсавет^[2].

Назва

Назва вёскі паходзіць ад назвы рэчкі Індрубкі (Індрупкі), на якой вёска знаходзіцца. Раней назва фігуравала ў выглядзе «Indrupka»^[3], «Індруп»^[4].

Утвораная праз складанне дзвюх асноў: літ. indrė «трыснёг» i upė «рака».

Найбліжэйшая аналогія — латвійскі тапонiм Indrupene (ад гідронімa Indrupe)^[5].

Такім жа чынам, ад літ. upė «рака», утвораныя назвы Лэйлубка, Болтуп у гэтым жа рэгіёне.

Гісторыя

У 1663 г. згадваецца ў складзе Ашмянскага павету ВКЛ^[6].

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. Рашэнне выканаўчага камітэта Гродзенскага абласнога Савета дэпутатаў працоўных ад 11 лютага 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 8 (1346).
3. Słownik geograficzny Królestwa Polskiego i innych krajów słowiańskich. Tom ІІI. Warszawa, 1882. S. 277.
4. Знешняя палітыка Беларусі. Т. 1. Мінск, 1997. С. 188.
5. A. Vanagas. Lietuvių hidronimų etimologinis žodynas. Vilnius, 1981. C. 130.
6. LVIA, f. SA, b. 2