Ініцыял (тыпаграфія)

У паняцця ёсць і іншыя значэнні, гл. Ініцыял.

Ініцыя́л, ці бу́квіца (ад лац.: initialis «пачатковы») — павялічаная загалоўная (пачатковая) літара якога-небудзь раздзела ў тэксце рукапіснай ці друкаванай кнігі.

Ініцыялы (Е-Н) з пражскіх выданняў Скарыны

Буквіца. Мсціслаўскае евангелле. 14 ст.jpg

У рукапісах ініцыялы (т. зв. буквіцы) багата размалёўвалі складаным арнаментам, упрыгожвалі выявамі чалавечых фігур і жывёл, жанравымі сцэнкамі.

З узнікненнем кнігадрукавання ініцыялы рабілі пераважна ў тэхніках гравюры.

На Беларусі першыя буквіцы ўжыты ў рукапісных кнігах XI стагоддзя. У беларускай друкаванай кнізе ўпершыню буквіцы ў тэхніцы ксілаграфіі выкарыстаны ў выданнях Ф. Скарыны ў пачатку XVI стагоддзя.

Літаратура

• Ініцыял // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. С. 259.

Спасылкі

• На Вікісховішчы ёсць медыяфайлы па тэме Ініцыял (тыпаграфія)