Ірына Бельская

Іры́на Бе́льская (нар. 1989, вёска Чарневічы, Глыбоцкі раён, Віцебская вобласць) — беларуская паэтэса.

Ірына Бельская
Асабістыя звесткі
Дата нараджэння	1989
Месца нараджэння	Чарневічы, Празароцкі сельсавет, Глыбоцкі раён, Віцебская вобласць, Беларуская ССР, СССР
Грамадзянства	Беларусь
Альма-матар	факультэт беларускай філалогіі і культуры БДПУ імя М. Танка[d]
Прафесійная дзейнасць
Род дзейнасці	паэтэса
Мова твораў	беларуская
Прэміі	Залаты апостраф (2007)

У Вікіпедыі ёсць артыкулы пра іншых людзей з прозвішчам Бельская (значэнні).

Біяграфія

Нарадзілася ў 1989 годзе ў в. Чарневічы Глыбоцкага раёна Віцебскай вобласці. Скончыла Чарневіцкую сярэднюю школу, факультэт беларускай філалогіі і культуры БДПУ імя М. Танка. Працавала ў бібліятэцы імя Я. Коласа ЦБС у Наваполацку. Жыве ў Наваполацку^[1].

Творчасць

Першы верш напісала ў восем гадоў на рускай мове^[1]. Цяпер піша вершы і размаўляе на беларускай мове.

Друкавалася ў часопісах «Дзеяслоў», «Маладосць» і іншых перыядычных выданнях.

Узнагароды

• Лаўрэат паэтычных конкурсаў «Наша ніва», прысвечанага Дня зямлі 2005 г.
• Лаўрэат конкурсу Віцебскага аддзялення СБП, прысвечанага 125-годдзю Я. Коласа і Я. Купалы.
• Лаўрэат літаратурнай прэміі «Залаты апостраф»
• Лаўрэат прэміі часопіса «Дзеяслоў» за найлепшы дэбют у 2008 годзе^[2]
• фіналістка Конкурсу маладых літаратараў імя К. Шэрмана ў 2009 годзе
• атрымала заахвочвальную прэмію «Дэбют» імя Максіма Багдановіча ў 2010 годзе

Зноскі

1. У «Доме літаратара» Павел Касцюкевіч, Аляксандр Фядута, Ірына Бельская
2. Лаўрэат прэміі часопіса «Дзеяслоў» Ірына Бельская: Гэты часопіс такі добры і цёплы, усё ў ім — як дома, як у сям’і Архівавана 22 студзеня 2021., БелаПАН