Аагоній (жаночы гаметангій)

Аагоній — жаночы гаметангій водарасцей і некаторых грыбоў.

Звычайна аагоніі водарасцяў аднаклетачныя (гэтым яны адрозніваюцца ад архегоніяў вышэйшых раслін), але ў харавых водарасцей аагоніямі называюць шматклеткавыя жаночыя гаметангіі.

Часам тэрмін «аагоній» прапануецца выкарыстоўваць толькі ў дачыненні да тых водарасцей, якім уласцівая аагамія. Звычайна ў такіх водарасцей у аагоніі развіваецца адна яйцаклетка.

Літаратура

• Аагоній // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).