Авёс шчаціністы

Авёс шчаціністы^[1][2][3] (Avena strigosa) — від аднагадовых травяністых раслін сямейства злакаў.

Авёс шчаціністы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Aveninae Род:  Авёс Від:  Авёс шчаціністы
Міжнародная навуковая назва
Avena strigosa Schreb.
Сістэматыка на Віківідах Выявы на Вікісховішчы ITIS   193431 NCBI   38783 EOL   1114093 IPNI   391799-1 TPL   kew-397998

Распаўсюджванне

Авёс шчаціністы распаўсюджаны ў Заходняй Еўропе, у гарах Іспаніі, Партугаліі і Англіі культывуецца ў якасці харчовай і кармавой (зялён корм і сена) расліны.

На Беларусі зрэдку трапляецца па ўсёй тэрыторыі як пустазелле яравых культур^[4].

Біялогія

Расліна квіце ў чэрвені-ліпені.

Апісанне

Вышыня расліны 40-100 сантыметраў. Сцябло голае. Лісце доўгае, тонказавостранае, шурпатае. Мяцёлкі раскідзістыя альбо аднабокія.

Каласкі 2-3-кветныя, з доўгімі бурымі асцюкамі, без сучляненняў, аддзяляюцца адін ад аднаго толькі пры адломліванні каласковай восі.

Зярняўкі валасістыя, пры выспяванні не асыпаюцца.

Расліна ўстойлівая да грыбковых захворванняў^[4].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 22. — 160 с. — 2 350 экз.
2. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
3. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
4. Г. А. Кім, Ф. І. Фамінчык. Авёс // Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл. — С. 23