Агнёўка яловая

Агнёўка яловая, Гімнапіл яловы (Gymnopilus sapineus) — шапкавы базідыяльны грыб з роду гімнапіл сямейства страфарыевых.

Агнёўка яловая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Страфарыевыя Род:  Смаляковец Від:  Агнёўка яловая
Міжнародная навуковая назва
Gymnopilus sapineus (Fr.) Maire
Сінонімы
Agaricus sapineus Fries (1815)
Выявы на Вікісховішчы NCBI   86086 EOL   190039 MB   522061

Апісанне

Шапка дыяметрам 3—8 см, шыроказваночкападобная, пукатая, з апушаным краем, валакніста-лускаватая або з вохрана-бураватым адценнем. Мякаць жоўтая, пругкая, з горкім смакам і рэзкім пахам гнілой драўніны. Пласцінкі вузкія, чыстыя, прырослыя зубцом, вохрана-жоўтыя. Ножка цыліндрычная або каля асновы расшыраная, пустая, уздоўжвалакністая, з жаўтаватымі рэшткамі картыны, уверсе светлая, унізе бураватая. Споры яйцападобна-эліпсаідальныя, шурпатыя, іржава-бураватыя.

Арэал і экалогія

Пашырана ў Еўразіі, Паўночнай Амерыцы; на Беларусі трапляецца ўсюды. Расце ў лясах групамі на галлі і пнях пераважна хвойных парод. Пладаносіць у жніўні-верасні.

Значэнне

Неядомая.

Літаратура

• Агнёўка яловая // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 27. — 575 с., іл. — 10 000 экз.