Агроцыбе

Агроцыбе, Палявіца^[1] (Agrocybe) — род шапкавых базідыяльных грыбоў сямейства страфарыевых.

Агроцыбе
Агроцыбе ранняя (Agrocybe praecox)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Страфарыевыя Род:  Agrocybe
Міжнародная навуковая назва
Agrocybe Fayod, 1889
Сінонімы
Bulla Battarra ex Earle, 1909 Cyclocybe Velen., 1939 Cyclopus (Quél.) Barbier, 1907 Hylophila subgen. Cyclopus Quél., 1888 Pseudodeconica Overeem, 1927, nom. inval. Togaria W.G. Sm., 1908
Тыпавы від
Agrocybe praecox (Pers.) Fayod, 1889
Сістэматыка на Віківідах Выявы на Вікісховішчы NCBI   5399 EOL   21098 MB   17034

У паняцця ёсць і іншыя значэнні, гл. Палявіца (значэнні).

Апісанне

Пладовыя целы дробныя. Шапка зменьвае вонкавы выгляд у залежнасці ад вільготнасці, пукатая, гладкая. Мякаць светлая, мясістая. Пласцінкі шырокія. Ножка з кольцам або без яго, цыліндрычная, часам сагнутая, шчыльная, іншы раз пустая. Споры гладкія, брудна-бурыя, з порай прарастання.

Пашырэнне

Вядома звыш 20 відаў, пашыраных у Еўразіі, Паўднёвай Амерыцы, Аўстраліі. На Беларусі найбольш вядомыя агроцыбе палявая (Agrocybe arvalis), агроцыбе цвёрдая (Agrocybe dura), агроцыбе ранняя (Agrocybe praecox).

Сапратрофы. Растуць групамі па лясным подсціле, лугах, палях, у хмызняках.

Зноскі

1. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. іл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.