Аддакс

Аддакс, нубійская антылопа^[1] (Addax nasomaculatus) — парнакапытнае млекакормчае з падсямейства шаблерогіх антылоп сямейства пустарогія, від вылучаецца ў манатыпны род Addax.

Аддакс
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Парнакапытныя Падатрад:  Жвачныя Сямейства:  Пустарогія Падсямейства:  Шаблярогія антылопы Род:  Addax Від:  Аддакс
Міжнародная навуковая назва
Addax nasomaculatus (Blainv., 1816)
Арэал
Ахоўны статус
Віды на грані знікнення IUCN 3.1 Critically Endangered : / 512
Сістэматыка на Віківідах Выявы на Вікісховішчы ITIS   625175 NCBI   59515 EOL   331074

Апісанне

Пясчана-белая афарбоўка летам, бліжэй да зімы робіцца шаравата-карычневай. Поўсць кароткая і гладкая. Белыя плямы размешчаны на вушах, жываце, канечнасцях. Пераносіцу перасякае белая Х-падобная палоска, пучок чорна-бурых валасоў на лбе. З шыі звісаюць доўгія валасы. Галава і пярэдняя частка цела больш цёмныя. Накіраваныя назад тонкія рогі, спіральна закручаныя ў 1,5-3 абароты, ёсць як у самцоў так і ў самак і дасягаюць 109 см даўжыні ў самцоў і 80 см у самак. Шырокія капыты маюць плоскую падэшву, якая можа яшчэ больш пашырацца, што дапамагае жывёлам перасоўвацца па пустыні і не правальвацца ў пясках. Даўжыня цела — 150—170 см, вышыня ў карку — 95-115 см, даўжыня хваста — 25-35 см. Самцы крыху большыя за самак. Маса цела 60-125 кг.

Пашырэнне

Раней аддакс сустракаўся ў пустынях і паўпустынях ад Заходняй Сахары і Маўрытаніі да Егіпта і Судана. Сучасны арэал паменшыўся да некалькіх пустынных раёнаў на паўночным усходзе Нігера, на поўначы і ў цэнтры Чада, на паўночным захадзе Малі, ва ўсходняй Маўрытаніі, паўднёвай Лівіі і паўднёва-заходнім Судане. Аддаксы сустракаюцца ў пясчаных і камяністых пустынях. Яны не абмяжоўваюцца тэрыторыямі і вандруюць у пошуках ежы па ўсёй зоне распаўсюджвання, рухаючыся за дажджамі.