Аднапраходныя

Аднапраходныя (Monotremata), або яйцародныя — атрад найбольш прымітыўных сярод сучасных млекакормячых.

Аднапраходныя
Tachyglossus aculeatus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Першазвяры Атрад:  Аднапраходныя
Міжнародная навуковая назва
Monotremata Bonaparte, 1837
Сямействы
Качканосы (Ornithorhynchidae) Яхідны (Tachyglossidae) † Kollikodontidae † Steropodontidae
Сістэматыка на Віківідах Выявы на Вікісховішчы ITIS   179915 NCBI   9255 EOL   1679 FW   39737

Вядомы з плейстацэну ў Аўстраліі. Падзяляюцца на 2 сучасныя сямействы: яхідны і качканосы, 5 відаў.

Пашыраны ў Аўстраліі, Тасманіі, Новай Гвінеі.

Даўжыня цела да 80 см. Характэрна сумяшчэнне заднепраходнай і мочапалавой адтулін (клаака, як у птушак). Зубоў у дарослых няма. Страўнік не мае стрававальных залоз. Сярэдняя тэмпература цела ніжэйшая, чым у іншых млекакормячых (25-36 °C).

Нясуць 1-2, зрэдку 3 яйцы. Малочныя залозы трубчастыя, выдзяляюць малако на брушную паверхню цела (залозістае поле), адкуль яго злізваюць дзіцяняты.

Паўводныя ці наземныя формы. Кормяцца жывёльнымі арганізмамі.

Колькасць невялікая.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).