Адрыян Аўрэмія

Адрыян Аўрэмія (рум.: Adrian Avrămia; нар. 31 студзеня 1992, Фэлтычэні, Румынія) — румынскі футбаліст (абаронца) і трэнер. У цяперашні час прцуе трэнерам у клубе «Шамуз» з Фэлтычэні.

Адрыян Аўрэмія
Нарадзіўся	31 студзеня 1992(1992-01-31)[1] (33 гады) Фэлтычэні, жудзец Сучава, Румынія[2]
Грамадзянства	Румынія
Рост	194 см
Вага	85 кг
Пазіцыя	абаронца
Інфармацыя пра клуб
Клуб	Шамуз
Пасада	трэнер
Маладзёжныя клубы
2003—2006 Ювентус (Фэлтычэні) 2006—2007 Ніку Ганэ (Фэлтычэні) 2007—2010 Палітэхніка (Ясы)
Клубная кар’ера[* 1]
2010—2014 КСМС (Ясы) 34 (1) 2014—2015 КСУ (Краёва) 1 (0) 2015—2016 Рапід (Бухарэст) 13 (0) 2016—2017 Дынама (Брэст) 21 (0) 2018 Іртыш (Паўладар) 9 (0) 2019—2021 Фарэста (Сучава) 4 (0)
Нацыянальная зборная[* 2]
2011 Румынія (да 19) 2 (0) 2012—2014 Румынія (да 21) 6 (0)
Трэнерская кар’ера
2021— Шамуз (Фэлтычэні) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 снежня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 25 сакавіка 2017

Клубная кар’ера

Пачынаў займацца футболам у родным горадзе Фэлтычэні, пазней далучыўся да акадэміі клуба «Палітэхніка» (Ясы). У 2010 годзе, пасля таго як «Палітэхніка» спыніла існаванне, стаў іграком новага клуба КСМС. У верасні 2011 года атрымаў траўму і выбыў да канца сезона 2011/12, у якім каманда атрымала перамогу ў другім дывізіёне. У сезоне 2012/13 выступаў за КСМС у Лізе I. У 2014—2016 гадах гуляў у элітным румынскім дывізіёне за КСУ і «Рапід».

У ліпені 2016 года падпісаў кантракт з беларускім клубам «Дынама» з Брэста^[3]. Стаў асноўным цэнтральным абаронцам брэстчан. У кастрычніку 2016 года атрымаў траўму і выбыў да канца сезона. Сезон 2017 пачынаў у аснове, але пазней саступіў месца на полі Андрэю Лебедзеву і Аляксею Гаўрыловічу, і звычайна з’яўляўся на полі ў выпадку іх траўм.

У снежні 2017 года была дасягнута дамоўленасць аб пераходзе абаронцы ў казахстанскі клуб «Іртыш» з Паўладара^[4]. Пакінуў «Іртыш» у ліпені 2018 года.

У жніўні 2019 года стаў іграком клуба «Фарэста» з трэцяга дывізіёна Румыніі. У 2021 годзе завяршыў кар’еру і перайшоў на трэнерскую працу ў «Шамуз».

Міжнародная кар’ера

Выступаў за моладзевую зборную Румыніі.

Дасягненні

• Пераможца румынскай Лігі II (2): 2011/12, 2013/14
• Уладальнік Кубка Беларусі: 2017