Адэльскі сельсавет

Адэ́льскі сельсавет — адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — аграгарадок (да 2009 года вёска) Адэльск.

Адэльскі сельсавет
Краіна	Беларусь
Уваходзіць у	Гродзенскі раён
Уключае	20 населеных пунктаў
Адміністрацыйны цэнтр	Адэльск
Дата ўтварэння	12 кастрычніка 1940, 12 верасня 1977
Дата скасавання	23 сакавіка 1964
Насельніцтва (2019)	1 278
Часавы пояс	UTC+03:00
Код аўтам. нумароў	4

Гісторыя

Утвораны 12 кастрычніка 1940 года ў складзе Саколкаўскага раёна Беластоцкай вобласці БССР. З 20 верасня 1944 года ў складзе Гродзенскай вобласці. З 16 жніўня 1945 года ў складзе Гродзенскага раёна. 23 сакавіка 1964 года скасаваны, тэрыторыя далучана да Індурскага сельсавета.

12 верасня 1977 года цэнтр Падліпкаўскага сельсавета перанесены з вёскі Падліпкі ў вёску Адэльск, а сельсавет перайменаваны ў Адэльскі^[1]. 20 верасня 2002 года ў склад сельсавета з Баранавіцкага сельсавета перададзены 6 населеных пунктаў (Бакуны, Брузгі, Дубніца, Клачкі, Кулёўцы і Струбка)^[2].

Насельніцтва

Насельніцтва сельсавета паводле перапісу 2009 года — 1790 чалавек^[3], з іх 70,5 % — палякі, 22,8 % — беларусы, 4,7 % — рускія, 1,3 % — украінцы^[4]; паводле перапісу 2019 года — 1278 чалавек^[5].

Выбітныя асобы

• Анжаліка Борыс
• Тадэвуш Кандрусевіч

Зноскі

1. Рашэнне выканкома Гродзенскага абласнога Савета дэпутатаў працоўных ад 12 верасня 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 29 (1547).
2. Решение Гродненского областного Совета депутатов от 20 сентября 2002 г. № 100 О решении вопросов административно-территориального устройства Гродненского района
3. Колькасць насельніцтва населеных пунктаў Гродзенскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Гродзенскай вобласці Беларусі паводле перапісу 2019 года