Азад Кашмір

У паняцця ёсць і іншыя значэнні, гл. Кашмір (значэнні).

Азад Джаму і Кашмір (урду: آزاد جموں و کشمیر, англ.: Azad Jammu and Kashmir; скарочана — Азад Кашмір, літаральна «Свабодны Кашмір») — дзяржаўнае ўтварэнне, якое ўзнікла на паўднёва-заходняй тэрыторыі княства Кашмір у працэсе падзелу Брытанскай Індыі^[1].

Азад Джаму і Кашмір
آزاد جموں و کشمیر
Герб Сцяг[d]
Краіна	Пакістан
Статус	самакіравальная дзяржава пад кантролем Пакістана
Уключае	8 акруг
Адміністрацыйны цэнтр	Музафарабад
Дата ўтварэння	1948
Прэзідэнт	Сардар Махамад Якуб Хан
Прэм'ер-міністр	Чаўдры Абдул Маджыд
Афіцыйныя мовы	Урду (афіцыйны) Аратыя, Мірпуры, Гаджры, Хіндко, Пенджабі, Пушту
Насельніцтва (2011)	3 631 224 (6-е месца)
Шчыльнасць	311,99 чал./км² (5-е месца)
Плошча	11 639 км² (7-е месца)
Часавы пояс	UTC+5
Код ISO 3166-2	PK-JK
Афіцыйны сайт
Медыяфайлы на Вікісховішчы

Статус

Фактычна Свабодны Кашмір — гэта правінцыя Пакістана, але прызнаецца ім, як незалежная дзяржава, пры гэтым існаванне гэтай дзяржавы лічыцца справай часовай — у чаканні пераходу ўсёй тэрыторыі Кашміра ў склад Пакістана. Спрэчкі паміж Індыяй і Пакістанам вакол гэтай тэрыторыі вядуцца пастаянна.

У Азад Кашміры ёсць прэзідэнт (па функцыях роўны губернатару), урад, заканадаўчы сход, які выбіраецца насельніцтвам, вярхоўны суд.

Сталіцы ў гэтай тэрыторыі няма, але ёсць адміністрацыйны цэнтр — невялікі горад Музафарабад^[1][2][3].

Геаграфія

Мяжуе з сучаснай саюзнай тэрыторыяй Індыі Джаму і Кашмір на ўсходзе, а таксама з пакістанскімі правінцыямі Хайбер-Пахтунхва на захадзе, Гілгіт-Балтыстан на поўначы і Пенджабам на поўдні.

Сам Азад Кашмір займае тэрыторыю ў 11 639 км² з насельніцтвам прыблізна 4 500 000 чалавек.

Гл. таксама

• Кашмірскі канфлікт