Аксана Ігараўна Прыходзька

Аксана Ігараўна Прыходзька (нар. 16 студзеня 1975, г. Гарадок, Віцебская вобласць) — беларускі службовец, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.

Аксана Ігараўна Прыходзька
Дэпутат Магілёўскага абласнога Савета дэпутатаў[d] 2014 — 2018
Нараджэнне	16 студзеня 1975(1975-01-16) (50 гадоў) Гарадок, Гарадоцкі раён, Віцебская вобласць, Беларуская ССР, СССР
Партыя	Ліберальна-дэмакратычная партыя
Адукацыя	Віцебскі дзяржаўны тэхналагічны ўніверсітэт
Месца працы	Белшына

У Вікіпедыі ёсць артыкулы пра іншых людзей з прозвішчам Прыходзька.

Біяграфія

Нарадзілася 16 студзеня 1975 года ў г. Гарадку Віцебскай вобласці^[1].

Скончыла Віцебскі дзяржаўны тэхналагічны ўніверсітэт па спецыяльнасці «Тэхналогія і канструяванне вырабаў са скуры»; пасля па спецыяльнасці «Эканоміка і кіраванне на прадпрыемстве»; прайшла перападрыхтоўку па спецыяльнасці «Бухгалтарскі ўлік і падаткаабкладанне»^[1].

Працоўную дзейнасць пачала майстрам пашывачнага ўчастка ў таварыстве з абмежаванай адказнасцю «Славуціч». Працавала на розных пасадах у адкрытым акцыянерным таварыстве «Белшына»: спецыялістам 2-й катэгорыі аддзела кадраў, начальнікам упраўлення адміністрацыйна-гаспадарчага забеспячэння, намеснікам генеральнага дырэктара па ідэалагічнай рабоце, кіраванні персаналам і сацыяльных пытаннях, начальнікам упраўлення персаналу^[1].

Выбіралася дэпутатам Магілёўскага абласнога Савета дэпутатаў 27-га склікання^[1].

Член Ліберальна-дэмакратычнай партыі Беларусі і рэспубліканскага грамадскага аб’яднання «Белая Русь»^[1].

У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Бабруйскай-Першамайскай акругі № 79. Член Пастаяннай камісіі па прамысловасці, энергетыцы, транспарце, сувязі і лічбавым развіцці^[1].

Узнагароды

Узнагароджана ганаровымі граматамі адкрытага акцыянернага таварыства «Белшына»^[1].

Сям’я

Замужам, мае дачку^[1].