Актыніі

Актыніі, або Марскія анемоны (Actiniaria) — атрад марскіх кішачнаполасцевых жывёл.

Актыніі
Nemanthus annamensis
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Тып:  Жыгучыя Клас:  Каралавыя паліпы Падклас:  Шасціпрамянёвыя каралы Атрад:  Актыніі
Міжнародная навуковая назва
Actiniaria Hertwig, 1882
Сістэматыка на Віківідах Выявы на Вікісховішчы ITIS   52485 NCBI   6103 EOL   1747 FW   4786

Апісанне

Існуюць як адзіночныя, радзей каланіяльныя бесшкілетныя каралавыя паліпы. Каля 1,5 тыс. відаў. Пашыраны пераважна ў трапічных і субтрапічных морах.

Прадстаўнікі пазбаўленыя мінеральнага шкілета. Цыліндрычнай формы, у папярочніку аз некалькіх міліметраў да 1,5 м, з венчыкам шчупальцаў вакол рота, звычайна ярка афарбаваныя. Сядзячыя або павольна перамяшчаюцца, закопваюцца ў грунт, зрэдку плаваюць. Кормяцца дробнымі воднымі жывёламі, у т.л. рыбамі. Размнажэнне палавое і вегетацыйнае дзяленнем. Для многіх характэрны сімбіёз з ракамі-пустэльнікамі і іншымі беспазваночнымі.

Дотык шчупальцаў да чалавека можа выклікаць апёк скуры.

Літаратура

• Актыніі // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).