Алег Ігнатавіч Семянкоў

У Вікіпедыі ёсць артыкулы пра іншых людзей з прозвішчам Семянкоў.

Алег Ігнатавіч Семянкоў (нар. 4 чэрвеня 1935, Мінск) — беларускі спецыяліст у галіне інфарматыкі і вылічальнай тэхнікі. Кандыдат тэхнічных навук (1966), старшы навуковы супрацоўнік (1968), прафесар (1982).

Алег Ігнатавіч Семянкоў
Дата нараджэння	4 чэрвеня 1935(1935-06-04) (90 гадоў)
Месца нараджэння	Менск, Беларуская ССР, СССР
Грамадзянства	СССР  Беларусь
Род дзейнасці	навуковец
Месца працы	Інстытут тэхнічнай кібернетыкі АН БССР Інстытут машыназнаўства АН БССР Інстытут радыяцыйнай бяспекі «Белрад»
Навуковая ступень	кандыдат тэхнічных навук (1966)
Навуковае званне	прафесар[d] (1982)
Альма-матар	Санкт-Пецярбургскі дзяржаўны электратэхнічны ўніверсітэт (1959)
Прэміі
Узнагароды	Грамата Прэзідыума Вярхоўнага Савета БССР (1985)

Біяграфія

Скончыў Ленінградскі электратэхнічны інстытут (спецыяльнасць «Сінхронна-сочачыя сістэмы», 1959), Інстытут аўтаматыкі і тэлемеханікі АН СССР (аспірантура, 1965).

Месца работы, пасада: Інстытут машыназнаўства і аўтаматызацыі АН БССР (1961—1965), Інстытут тэхнічнай кібернетыкі АН БССР (1965—1987, намеснік дырэктара па навуковай рабоце, з 1970 — дырэктар інстытута, загадчык лабараторыі спецыялізаваных устройстваў вылічальнай тэхнікі), Мінскі НДІ прыборабудавання (з 1987, начальнік аддзялення), Інстытут радыяцыйнай бяспекі (з 1991, намеснік дырэктара), Беларускі інстытут інфармацыі і прагнозу пры Адміністрацыі Прэзідэнта Рэспублікі Беларусь (з 1993, намеснік дырэктара, в. а. дырэктара), Прэзідыум НАН Беларусі (з 1998, намеснік вучонага сакратара, начальнік аддзела міжнародных сувязей), Аб’яднаны інстытут праблем інфарматыкі НАН Беларусі (з 2002, аддзел сумесных праграм касмічных і інфармацыйных тэхналогій, вядучы навуковы супрацоўнік).

Навуковая дзейнасць

Навуковыя інтарэсы: тэорыя сістэм аўтаматызаванага праектавання; тэхнічныя і праграмныя сродкі сістэм камп’ютарнай графікі; геаметрычнае мадэляванне і апаратна-праграмныя комплексы САПР у машына- і прыборабудаванні.

Узнагароды

• Ордэн «Знак Пашаны» (1979),
• Дзяржаўная прэмія БССР (1978),
• Дзяржаўная прэмія СССР (1985).
• Грамата Вярхоўнага Савета БССР (1985),
• 3 залатыя і 3 сярэбраныя медалі ВДНГ СССР.

Літаратура

• Савік М. П. Семянкоў Алег Ігнатавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 322. — 10 000 экз. — ISBN 985-11-0035-8. — ISBN 985-11-0238-5 (т. 14).
• Семенков Олег Игнатьевич // Республика Беларусь : энциклопедия : [в 7 т.]. — Минск, 2008. — Т. 6. — С. 628—629.
• Семенков Олег Игнатьевич // Объединенный институт проблем информатики НАН Беларуси : 40 лет. — Минск, 2005. — С. 75—78. (руск.)

Спасылкі

• Семянкоў Алег Ігнатавіч на сайце анлайн-энцыклапедыі «Беларусь у асобах і падзеях»
• Семенков Олег Игнатьевич Архівавана 28 кастрычніка 2021. (руск.) // Сайт АІПІ НАН Беларусі