Алег Анатолевіч Аднарожанка

Алег Анатолевіч Аднарожанка (укр.: Олег Анатолійович Однороженко; нар. 1974, Харкаў) — украінскі гісторык і грамадскі дзеяч, доктар гістарычных навук, старшы навуковы супрацоўнік Інстытута ўкраінскай археаграфіі і крыніцазнаўства імя М. С. Грушэўскага НАН Украіны^[1], былы^[2] галоўны ідэалагічны рэферэнт грамадскай арганізацыі «Патрыёт Украіны» і «Сацыял-нацыянальнай асамблеі»^[3], член Украінскага геральдычнага таварыства^[4]. Былы кіраўнік Харкаўскага аддзялення Партыі Свабода.^[5]

Алег Анатолевіч Аднарожанка
Дата нараджэння	1974
Месца нараджэння	Харкаў, Харкаўская вобласць, УССР, СССР
Род дзейнасці	палітык
Месца працы	Харкаўскі нацыянальны ўніверсітэт імя В. Н. Каразіна
Альма-матар	Харкаўскі нацыянальны ўніверсітэт імя В. Н. Каразіна
Медыяфайлы на Вікісховішчы

Біяграфія

Нарадзіўся 26 снежня 1974 года^[6] ў Харкаве, Украіна. У 1992 годзе скончыў сярэднюю школу № 54. У 1992 годзе паступіў у Харкаўскі нацыянальны ўніверсітэт імя В. Н. Каразіна на геолага-геаграфічны факультэт. У 1994 годзе паступіў на гістарычны факультэт для атрымання другой вышэйшай адукацыі. У 1999 годзе паступае ў аспірантуру Харкаўскага нацыянальнага ўніверсітэта імя В. Н. Каразіна^[7].

У 2003 годзе абараніў кандыдацкую дысертацыю «Дзяржаўная і зямельная геральдыка і сфрагістыка Войска Запарожскага» (навуковы кіраўнік — Уладзімір Краўчанка)^[7].

Станам на 2004 год Алег Аднарожанка быў старшым выкладчыкам кафедры гісторыі Украіны гістарычнага факультэта Сумскага дзяржаўнага педагагічнага ўніверсітэта імя А. С. Макаранкі^[8].

Падчас парламенцкіх выбараў 2006 года ва Украіне быў кандыдатам у народныя дэпутаты Украіны ад партыі «Свабода» (№ 24 у спісе), будучы тым часам сябрам гэтай партыі і дактарантам Інстытута ўкраінскай археаграфіі і крыніцазнаўства імя М. С. Грушэўскага НАН Украіны^[6].

У 2009 годзе паспяхова абараніў доктарскую дысертацыю «Украінская радавая геральдыка сярэднявечча і ранняга Новага часу (XIV—XVIII ст.)» (навуковы кансультант — Юрый Мыцык)^[9][10].

З 2010 года — старшы навуковы супрацоўнік Інстытута ўкраінскай археаграфіі і крыніцазнаўства імя М. С. Грушэўскага НАН Украіны^[1][11].

Таксама быў стыпендыятам фонду «Kasa im. Józefa Mianowskiego» і тры месяцы правёў у Інстытуце гісторыі Варшаўскага ўніверсітэта^[12].

Грамадская дзейнасць

Алег Аднарожанка — членам Украінскага геральдычнага таварыства^[4].

Станам на 2009 год быў ідэалагічным рэферэнтам Харкаўскай абласной арганізацыі «Патрыёт Украіны»^[13], а ў 2011—2012 гадах — ідэалагічным дарадцам грамадскай арганізацыі «Патрыёт Украіны»^[3][14].

Крымінальная справа 2012 года

У чэрвені 2009 года Алега Аднарожанку абвінавацілі ва ўдзеле ў групавым збіцці харкаўскага грамадскага актывіста Аляксея Корнева, была пачата крымінальная справа за хуліганства^[13].

Увечары 5 ліпеня 2012 года Алег Аднарожанка рашэннем Кіеўскага раённага суда Харкава затрыманы ў Кіеве як падазраваны па крымінальнай справе па здзяйсненні хуліганства і этапаваны ў Харкаў для правядзення следчых дзеянняў^[3]. Аднарожанка праходзіў у крымінальнай справе па эпізодах 2009 і 2011 гадоў^[15]. 9 ліпеня 2012 года суд працягнуў яму арышт на 10 сутак^[15][16].

16 ліпеня 2012 года Кіеўскі раённы суд Харкава працягнуў тэрмін утрымання пад вартай Аднарожанкі на 2 месяцы^[17]. 23 ліпеня 2012 года Апеляцыйны суд Харкаўскай вобласці, нягледзячы на хадайніцтва пра ўзяцце на парукі або пад залог 8 народных дэпутатаў Украіны, супрацоўнікаў Інстытута ўкраінскай археаграфіі і крыніцазнаўства імя М. С. Грушэўскага, Усеўкраінскае таварыства «Просвіта» імя Тараса Шаўчэнкі, калег з Інстытута гісторыі Варшаўскага ўніверсітэта пакінуў у сіле рашэнне пра працяг яго ўтрымання пад вартай на 2 месяцы^[12][18][19].

1 лістапада 2012 года Дзяржынскім раённым судом Харкава Алег Аднарожанка быў адпушчаны па парукі народных дэпутаты Украіны Андрэя Парубія і Яраслава Кэндзёра^[20].

Алег Аднарожанка з байцамі батальёна «Азоў».

23 снежня 2013 года зменена мера стрымання на ўтрыманне ў СІЗА^[21].

24 лютага 2014 года Вярхоўная Рада прыняла пастанову № 4202 «Пра вызваленне палітвязняў». У адпаведнасці з гэтай пастановай Алег Аднарожанка быў вызвалены 25 лютага^[22]. Пасля вызвалення прымаў актыўны ўдзел у развіцці добраахвотніцкага батальёна МУС Украіны «Азоў», стаў намеснікам камандзіра батальёна Андрэя Білецкага па выхаваўчай рабоце з асабовым складам.

Узнагароды

• Імянная стыпендыя Вярхоўнай Рады Украіны для найбольш таленавітых маладых навукоўцаў (2010)^[23].

Працы

• Однороженко О. А. Територіальна геральдика Слобідської України козацької доби (2-а половина XVII — середина XVIII ст.). — Харків: ХНУ імені В. Н. Каразіна, 2002. — 72 с. — (Джерелознавчі зошити; Зошит 1). — ISBN 966-623-089-5.
• Однороженко О. А. Українські державні, земельні та міські печатки козацької доби (кінець XVI—XVIII ст.). — Харків: ХНУ імені В. Н. Каразіна, 2003. — 220 с. — ISBN 966-7409-37-6.
• Алфьоров О., Однороженко О. Українські особові печатки XV—XVII ст. за матеріалами київських архівосховищ. — Харків: Просвіта, 2008. — 199 с. — ISBN 966-7409-51-X.
• Однороженко О. А. Князівська геральдика Волині середини XIV—XVIII ст. — Харків: Просвіта, 2008. — 180 с. — ISBN 966-7409-49-X.
• Однороженко О. А. Гербовник Вацлава Руліковського: Геральдичні виписи. — Харків: Просвіта, 2008. — 96 с. ISBN 966-7409-48-X.
• Однороженко О. А. Родова геральдика Русо-Влахії (Молдавського господарства) кінця XIV — XVI ст. — Харків: Просвіта, 2008. — 155 с. — ISBN 966-7409-51-1.
• Однороженко О. А. Родова геральдика Руського королівства та Руських земель Корони Польської XIV—XVI ст. — Харків: Харк. обл. об-ня Всеукр. т-ва «Просвіта» , 2009. — 311 с. : іл. — (Monumenta ruthensae heraldica; vol. 1). — ISBN 966-7409-52-X.
• Однороженко О. А. Руські королівські, господарські та князівські печатки ХІІІ — XVI ст. — Харків: Просвіта, 2009. — 319 с. — ISBN 966-7409-21-X.
• Однороженко О. А. Козацька територіальна геральдика кінця XVI — XVIII ст. — Харків, 2009. — 415 с. — (Monumenta rutheniae heraldica; vol. 3). — ISBN 966-7409-20-1.
• Однороженко О. А. Українська (руська) еліта доби Середньовіччя і раннього Модерну: структура та влада. — К.: Темпора, 2011. — 421 с. — ISBN 978-617-569-025-3.
• Однороженко О. Де, коли й чому виникли герби? Вступ до візантійської геральдики Х—ХІІст./ Олег Однороженко; худож.-оформлювач М.Мен-дор. — Харків: Фоліо, 2022. — 314 с.: іл.
• Однороженко О. Геральдика середньовічної Руси (України): у 3-х т. Т. I: Генеза руської геральдики Х—ХІІст./ Олег Однороженко; худож.-оформлювач М.Мен-дор. — Харків: Фоліо, 2022. — 718 с.: іл.