Алег Віталевіч Іваноў

Алег Віталевіч Іваноў (нар. 11 чэрвеня 1978, Магілёў) — беларускі інжынер-тэхнолаг і дэпутат.

Алег Віталевіч Іваноў
Нараджэнне	11 чэрвеня 1978(1978-06-11) (47 гадоў) Магілёў, Магілёўская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Іваноў.

Біяграфія

Нарадзіўся 11 чэрвеня 1978 года ў горадзе Магілёў^[1].

Скончыў Магілёўскі тэхналагічны інстытут па спецыяльнасці «Тэхналогія захоўвання і перапрацоўкі жывёльнай сыравіны», а таксама спецыяльны факультэт перападрыхтоўкі спецыялістаў па спецыяльнасці «Бухгалтарскі ўлік, аналіз і аўдыт»^[1].

Служыў у Узброеных Сілах Рэспублікі Беларусь^[1].

Працаваў майстрам каўбасна-кулінарнага цэха, намеснікам начальніка гэтага цэха Гродзенскага мясакамбіната; дырэктарам ТАА «Велес-Міт»; намеснікам генеральнага дырэктара па вытворчасці і якасці Гродзенскага мясакамбіната^[1]. Генеральны дырэктар гэтага прадпрыемства^[1].

Дэпутат Гродзенскага абласнога Савета дэпутатаў 29-га склікання^[1].

Дэлегат VI і VII Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Гродзенскай вобласці (вылучаны ад горада Гродна)^[1]. Член Пастаяннай камісіі Савета Рэспублікі па рэгіянальнай палітыцы і мясцовым самакіраванні^[1].

Член рэспубліканскага грамадскага аб’яднання «Белая Русь»^[1].

Узнагароды

Узнагароджаны Падзякай старшыні Гродзенскага аблвыканкама, ганаровай граматай Гродзенскага гарадскога Савета дэпутатаў, падзячным лістом старшыні адміністрацыі Ленінскага раёна Гродна^[1].