Алена Генадзеўна Пархімчык

Алена Генадзеўна Пархімчык (нар. 28 мая 1968, г. Мар’іна Горка, Пухавіцкі раён, Мінская вобласць) — беларускі эпідэміёлаг, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.

Алена Генадзеўна Пархімчык
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	28 мая 1968(1968-05-28) (57 гадоў) Мар’іна Горка, Пухавіцкі раён, Мінская вобласць, Беларуская ССР, СССР
Адукацыя	БДМУ
Месца працы	5-я гарадская клінічная бальніца[d] Пухавіцкі раённы цэнтр гігіены і эпідэміялогіі[d] Мінскі абласны цэнтр гігіены, эпідэміялогіі і грамадскага здароўя[d]
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Пархімчык.

Біяграфія

Нарадзілася 28 мая 1968 года ў г. Мар’іна Горка Пухавіцкага раёна Мінскай вобласці^[1].

Скончыла Мінскі дзяржаўны медыцынскі інстытут па спецыяльнасці «Санітарыя, гігіена, эпідэміялогія»^[1].

Працавала медсястрой кардыялагічнага аддзялення 5-й клінічнай бальніцы г. Мінска; памочнікам санітарнага ўрача, урачом-эпідэміёлагам аддзела эпідэміялогіі, урачом-гігіеністам санаддзела па гігіене харчавання Пухавіцкага раённага цэнтра гігіены і эпідэміялогіі; урачом-эпідэміёлагам супрацьэпідэмічнага аддзялення аддзела эпідэміялогіі, загадчыкам аддзялення эпіднагляду за ўнутрыбальнічнымі інфекцыямі, дэзынфекцыі і стэрылізацыі аддзела эпідэміялогіі, урачом-эпідэміёлагам (загадчыкам аддзялення эпіднагляду за ўнутрыбальнічнымі інфекцыямі, дэзынфекцыі і стэрылізацыі) аддзела эпідэміялогіі Мінскага абласнога цэнтра гігіены, эпідэміялогіі і грамадскага здароўя; урачом-гігіеністам аддзела гігіены Пухавіцкага раённага цэнтра гігіены і эпідэміялогіі; галоўным дзяржаўным санітарным урачом Пухавіцкага раёна Мінскай вобласці — галоўным урачом Пухавіцкага раённага цэнтра гігіены і эпідэміялогіі^[1].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Пухавіцкай акругі № 65. Член Пастаяннай камісіі па аграрнай палітыцы^[1].

Узнагароды

Узнагароджана Ганаровай граматай Нацыянальнага сходу Рэспублікі Беларусь, знакам «Выдатнік аховы здароўя Рэспублікі Беларусь»^[1].

Сям’я

Замужам, мае дачку і сына^[1].