Алена Фёдараўна Колесава

Алена Фёдараўна Колесава (руск.: Елена Фёдоровна Колесова, 6 жніўня 1920 — 11 верасня 1942) — удзельніца партызанскага руху на тэрыторыі Мінскай вобласці Беларусі у час Вялікай Айчыннай вайны, камандзір разведвальна-дыверсійнай групы партызанскага атрада спецыяльнага прызначэння разведаддзела штаба Заходняга фронта. Герой Савецкага Саюза ((1944).

Алена Фёдараўна Колесава
руск.: Елена Фёдоровна Колесова
Дата нараджэння	1 жніўня 1920(1920-08-01)
Месца нараджэння	Колесава[d], Яраслаўскі павет[d], Яраслаўская губерня, РСФСР[d]
Дата смерці	11 верасня 1942(1942-09-11) (22 гады)
Месца смерці	Выдрыца, Ухвальскі сельсавет, Крупскі раён, Мінская вобласць, Беларуская ССР, СССР
Месца пахавання	Крупкі
Грамадзянства	СССР
Прыналежнасць	СССР
Род войскаў	Савецкі партызанскі рух
Гады службы	1941—1942
Званне	малодшы сяржант
Часць	9903
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Колесава.

Біяграфія

А. Ф. Колесава нарадзілася ў вёсцы Колесава (зараз у Яраслаўскім раёне Яраслаўскай вобласці Расіі). З 1924 г. жыла ў сям’і сваякоў у Маскве. У 1939 годзе скончыла 2-е Маскоўскае педагагічнае вучылішча і пачала працаваць у школе № 47. З пачаткам Вялікай Айчыннай вайны працавала ў перасяленчым упраўленні Савета народных камісараў СССР, працавала на будаўніцтве абарончых аб’ектаў. У Чырвонай Арміі з 20 кастрычніка 1941 г. У складзе разведвальна-дыверсійнай групы неаднаразова пераходзіла лінію фронту. На асабістым баявым рахунку А. Ф. Колесавай 4 пушчаныя пад адхон эшалоны, 3 знішчаныя аўтамашыны, 6 знішчаных паліцэйскіх пунктаў. З мая 1942 г. А. Ф. Колесава камандзір разведвальна-дыверсійнай групы, дзейнічаўшай на тэрыторыі Барысаўскага і Крупскага раёнаў.

А. Ф. Колесава загінула ў баі ў час аперацыі па знішчэнню варожага гарнізона ў вёсцы Выдрыца Крупскага раёна Мінскай вобласці. Была пахавана ў брацкай магіле ў вёсцы Мігаўшчына. Пасля вайны перапахавана ў горадзе Крупкі.

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга
• Ордэн Чырвонай Зоркі

Памяць

• Помнікі на месцы гібелі ў вёсцы Выдрыца Крупскага раёна. Помнік на брацкай магіле ў горадзе Крупкі, у вёсцы Мардвінава Яраслаўскага раёна Яраслаўскай вобласці^[1].
• Мемарыяльныя дошкі на будынках былога 2-га педагагічнага вучылішча і школы № 47 у Маскве^[1].
• Імем А. Ф. Колесавай названыя школа № 2 і вуліца ў Крупках, вуліцы ў Валгаградзе, Маскве і Яраслаўлі^[1].

Зноскі

1. Алена Фёдараўна Колесава на сайце «Героі краіны»