Алесь Крыга

Алесь Кры́га (сапр. Аляксандр Аляксандравіч Асіпе́нка; нар. 1 мая 1943 г. Мінск) — беларускі пісьменнік.

Алесь Крыга
Асабістыя звесткі
Дата нараджэння	1 мая 1943(1943-05-01) (82 гады)
Месца нараджэння	Мінск, Генеральная акруга Беларусь, Рэйхскамісарыят Остланд
Грамадзянства	Беларусь
Альма-матар	БДУ (1989)
Месца працы	Мінскі завод аўтаматычных ліній Чырвоная змена Физкультурник Белоруссии[d] Піянер Беларусі Чырвоная звязда[d] Маяк Палесся[d] Вечерний Минск[d]
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

У Вікіпедыі ёсць артыкулы пра іншых людзей з прозвішчам Крыга (значэнні).

У Вікіпедыі ёсць артыкулы пра іншых людзей з прозвішчам Асіпенка.

Біяграфія

Пасля заканчэння дзесяцігодкі ў 1960 годзе працаваў на Мінскім заводзе аўтаматычных ліній фрэзероўшчыкам. Вучыўся на вячэрнім, потым на завочным аддзяленні Беларускага дзяржаўнага ўніверсітэта, які скончыў у 1989 годзе. У 1962—1966 гг. служыў на Ваенна-марскім флоце СССР. З 1967 г. — літсупрацоўнік рэдакцый рэспубліканскіх газет «Чырвоная змена», «Физкультурник Белоруссии», «Піянер Беларусі». У 1971—1972 гг. плаваў матросам траўлера на Поўначы. З 1972 г. — літсупрацоўнік іванаўскай раённай газеты «Чырвоная звязда» Брэсцкай вобласці, у 1989—1990 гг. — загадчык аддзела пісьмаў брагінскай раённай газеты «Маяк Палесся». З 1990 г. — стыльрэдактар газеты «Вячэрні Мінск». Сябра СП СССР з 1975 г.

Творчасць

Першую аповесць «Я вернусь к тебе, море!» апублікаваў у 1965 г. (газета «На страже Заполярья»). Аўтар аповесцей «Паўночны фарватэр» (1971), «Порт прызначэння» (1974), «Чайкі над полем» (часопіс «Маладосць», 1978), «Марзянка для нелюбімых» (аповесць і апавяданні, 1988), кнігі для дзяцей «Медзведзяня шукае сяброў» (1987), мастацка-публіцыстычнай кнігі «Выбух над Прыпяццю» (часопіс «Полымя», 1990).

Літаратура

• Крыга Алесь // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Алесь Крыга на «Беларускай Палічцы» (бел.)
• Крыга Алесь (сапраўднае Асіпенка Аляксандр Аляксандравіч) на сайце анлайн-энцыклапедыі «Беларусь у асобах і падзеях»