Альберт Сцяпанавіч Елізараў

У Вікіпедыі ёсць артыкулы пра іншых людзей з прозвішчам Елізараў.

Альберт Сцяпанавіч Елізараў (13 студзеня 1937, Архангельск, Расія — 20 жніўня 2009) — беларускі вучоны ў галіне прыборабудавання. Доктар тэхнічных навук (1972), прафесар (1977).

Альберт Сцяпанавіч Елізараў
Дата нараджэння	13 студзеня 1937(1937-01-13)
Месца нараджэння	Архангельск, Паўночная вобласць, РСФСР, СССР
Дата смерці	20 жніўня 2009(2009-08-20) (72 гады)
Месца працы	Рыжскі інстытут інжынераў грамадзянскай авіяцыі[d] Беларускі дзяржаўны ўніверсітэт інфарматыкі і радыёэлектронікі
Навуковая ступень	доктар тэхнічных навук
Навуковае званне	прафесар
Альма-матар	Санкт-Пецярбургскі дзяржаўны ўніверсітэт аэракасмічнага прыборабудавання[d] Кіеўскі політэхнічны інстытут

Біяграфія

Скончыў Ленінградскі інстытут авіяцыйнага прыборабудавання (1960), Кіеўскі політэхнічны інстытут (аспірантура).

Працаваў у арганізацыі п/я № 56, г. Рыбінск (з 1960); Каўнаскім навукова-даследчым інстытуце радыёвымяральнай тэхнікі (з 1963, начальнік аддзела па распрацоўцы ЗВЧ вымяральных прыбораў); Рыжскім інстытуце інжынераў грамадзянскай авіяцыі (1967—1972, выкладчык, дацэнт кафедры тэхнічнай эксплуатацыі авіяцыйнага радыёэлектроннага абсталявання); Беларускім рэспубліканскім цэнтры метралогіі і стандартызацыі (1972—1974, кіраўнік сектара, начальнік НДЛ метралагічнага забеспячэння народнай гаспадаркі); Беларускім дзяржаўным універсітэце інфарматыкі і радыёэлектронікі (1975—2001, кафедра метралогіі і стандартызацыі, у 1975—1996 — загадчык кафедры).

Навуковыя інтарэсы: электрарадыёвымярэнні; радыёвымяральныя ўстройствы. Больш за 40 аўтарскіх пасведчанняў.

Бібліяграфія

• Электрорадиоизмерения : учебник для студентов вузов, обучающихся по специальности «Радиотехника» / А. С. Елизаров. ― Минск, 1986.

Зноскі